पदभार स्वीकारल्यानंतर काही दिवसांतच पोलीस अधीक्षक मनोज पाटील यांना कोरोनाची लागण!

🕒 1 min read

अहमदनगर/ऋषिकेश घोगरे- अहमदनगर जिल्ह्यात कोरोनाने थैमान घातलेले असतानाच आता जिल्हा पोलीस अधीक्षक कार्यालयातही कोरोनाने प्रवेश केला आहे. काही दिवसांपूर्वीच जिल्ह्याचा कारभार हाती घेतलेल्या जिल्हा पोलीस अधीक्षक मनोज पाटील यांचा कोरोना चाचणी अहवाल पॉझिटिव्ह आला आहे.

मनोज पाटील यांचा कोरोना अहवाल पॉझिटिव्ह आल्यानंतर आपल्या संपर्कात आलेल्या व्यक्तींनीही कोरोनाची तपासणी करून घेण्याचे आवाहन पाटील यांनी केले आहे. सध्या मनोज पाटील यांची प्रकृती स्थिर असून त्यांच्यावर उपचार सुरू आहेत.

अहमदनगरला रुजू झाल्यापासून कायम निष्क्रिय ठरलेले अहमदनगरचे पोलीस अधीक्षक अखिलेशकुमार सिंह यांची अवघ्या सहाच महिन्यात बदली करण्यात आली. त्यांच्या जागी सोलापूर ग्रामीणचे पोलीस अधीक्षक मनोज पाटील यांची अहमदनगरला नियुक्ती झाली असून त्यांनी काही दिवसांपूर्वी आपला पदभार स्वीकारला होता. सोलापूर येथून बदली होऊन मनोज पाटील यांनी १ ऑक्टोबर रोजी नगर जिल्हा पोलीस अधीक्षक पदाचा पदभार स्विकारला होता.

पदभार स्वीकारल्यानंतर पाटील यांच्या स्वागतासाठी अनेकांनी त्यांच्या भेटी घेतल्या. फोटोसेशनही झाले. जिल्ह्याच्या परिस्थितीचा आढावा घेत त्यांनी पत्रकार परिषद घेतली. राजकीय नेते, पदाधिकारी, पत्रकारांनी त्यांची भेट घेऊन स्वागत केले होते.

दोन दिवसांपासून मनोज पाटील यांना अशक्तपणा व कोरोनाची काही लक्षणे जाणवू लागल्याने त्यांनी आपली कोरोना चाचणी करून घेतली. त्यामध्ये त्यांना कोरोनाची लागण झाली आहे. अलीकडच्या काही दिवसांत जर कोणी माझ्या संपर्कात आले असेल तर त्यांनी आपली कोरोना चाचणी करून घ्यावी व सर्वांनी आपली काळजी घ्यावी असे आवाहन जिल्हा पोलीस अधीक्षक मनोज पाटील यांच्याकडून करण्यात आले आहे.

महत्वाच्या बातम्या :-

• ‘पुणे स्मार्ट सिटी’ ची कामे दर्जेदार आणि जलदगतीने पूर्ण करा;उपमुख्यमंत्री अजित पवार यांचे निर्देश
• लेखिकेच्या २० तासांच्या ठिय्या आंदोलनाला यश, मुजोर ज्वेलर्सने मराठीत मागितली माफी
• …म्हणून फडणविसांनी भाजप पदाधिकाऱ्यांसमोर पवारांच्या आत्मचरित्रातील ‘तो’ उताराच वाचून दाखविला
• मराठीचा मान-सन्मान राहिला पाहिजे; कुणी अपमान करत असेल तर …
• ‘आता महाराष्ट्रात निवडणुका झाल्या तर भाजप स्वबळावर सत्तेत येईल’