मुंबई : परिवहन मंत्री अनिल परब यांची वांद्रेतील कार्यालयाची इमारत म्हाडाने अनाधिकृत असल्याचे सांगत त्यांना यासंबंधीत नोटीस बजावण्यात आली आहे. यावर भाजपाकडून त्याच्यावर वारंवार टिका केली जात आहे, मात्र याविषयी बोलताना अनिल परब यांनी आपली प्रतिक्रिया व्यक्त केली आहे. ‘म्हाडाने दिलेली नोटीस चुकीची आहे, मी त्या जागेचा मालक नाही, नोटीस मालकाला पाठवायची असते, म्हाडाने मला का पाठवली आहे कळलं नाही’ अशा शब्दात त्यांनी आपली प्रतिक्रिया व्यक्त केली आहे.
मात्र यावरून भाजप नेते निलेश राणे यांनी अनिल परब यांच्यावर जोरदार घणाघात केला आहे. ‘बळजबरीने जागा बळकावल्यानंतर अनिल स्पॉट नाना परब म्हणतो की मला नोटीस आली नाही. नोटीस जागा मालकाला येते हडपणाऱ्याला नाही. व्यवस्थित माहिती काढली तर कळेल 70 टक्के शिवसेना शाखा अनधिकृत असतील… त्या पण पाडा”. अस ट्विट करत निलेश राणे यांनी थेट शिवसेनेवर हल्लाबोल केला आहे.
बळजबरीने जागा बळकावल्यानंतर अनिल स्पॉट नाना परब म्हणतो की मला नोटीस आली नाही. नोटीस जागा मालकाला येते हडपणाऱ्याला नाही. व्यवस्थित माहिती काढली तर कळेल 70 टक्के शिवसेना शाखा अनधिकृत असतील… त्या पण पाडा.
— Nilesh N Rane (@meNeeleshNRane) September 12, 2020
दरम्यान, वळीच्या गोमाता जनता एसआरए सोसायटीमधील फ्लॅट महापौर किशोरी पेडणेकर यांनी बळकावल्याचा आरोप भाजपा नेते किरीट सोमय्या यांनी केला आहे. बॉलिवूड अभिनेत्री कंगना राणौत हिच्या बेकायदेशीर बांधकामावर मुंबई महापालिकेने हातोडा मारल्यानंतर भाजपाने आता शिवसेना मंत्र्यांचे आणि नेत्यांचे अनाधिकृत बांधकामे उघड करण्याचं काम सुरु केले आहे.
महत्वाच्या बातम्या:-
- पक्षातील ज्येष्ठांचे मार्गदर्शन घेऊन युवक काँग्रेस राज्यात बळकट करणार- अमित झनक
- डॉ. आंबेडकरांचा अवमान झाला तरी खुर्ची उबवायला मिळाली पाहिजे ; सामनातून रामदास आठवलेंवर घणाघात
- प्रसिद्ध गायिका अनुराधा पौडवाल यांच्या मुलाचे निधन
