औरंगाबाद: सोयगाव नगरपंचायत निवडणुकीत आता भाजपला मोठा धक्का बसला आहे. आणि हा धक्का दुसरा तिसरा कोणी नव्हे तर शिवसेनेचे राज्यमंत्री अब्दुल सत्तार(Abdul Sattar) यांनी भाजपचे केंद्रीय रेल्वे राज्यमंत्री रावसाहेब दानवे(Raosaheb Danve) यांना दिला आहे. नगरपंचायत निवडणुकीत भाजपच्या निवडून आलेल्या सहा सदस्यांपैकी चार सदस्य आता शिवसेनावासी झालेले आहेत. जिल्हाधिकारी यांच्याकडे तशी नोंदणी झालेली आहे.
सोयगाव नगरपंचायत ही अब्दुल सत्तार आणि केंद्रीय रेल्वे राज्यमंत्री रावसाहेब दानवे यांचा मतदारसंघ आहे. नुकतीच झालेली सोयगाव नगरपंचायत निवडणूक दोघांसाठी मोठी प्रतिष्ठेची होती. या आधी भाजपच्या ताब्यात असलेल्या या नगरपंचायतीवर आता शिवसेनेचा भगवा फडकत आहे. सोयगाव नगरपंचायतीत १७ सदस्यांपैकी ११ सदस्य शिवसेनेचे होते. तर भाजपला केवळ ६ जागांवर समाधान मानावे लागले होते. आता या ६ जागांपैकी ४ जणांनी देखील भाजपला कायमचा रामराम ठोकला आहे.
यामध्ये वॉर्ड क्रमांक ५ येथील वर्षा घनगांव, वॉर्ड क्रमांक ११ मधील संदीप सुरडकर, वॉर्ड क्रमांक १३ मधील ममताबाई इंगळे, वाॅर्ड क्रमांक १४ येथील आशियाना शाह यांचा समावेश आहे. त्यामुळे कधी काळी भाजपच्या ताब्यात असलेल्या सोयगाव नगरपंचायतीत आता त्यांच्याकडे केवळ दोन सदस्य शिल्लक असल्याने रावसाहेब दानवे यांच्यासाठी हा मोठा धक्का मानला जात आहे. नगरपंचायतीच्या विजयानंतर अब्दुल सत्तारांनी खेळी खेळण्यास सुरुवात केली होती. आणि त्याचे परिणाम आता पहायला मिळत आहेत.
महत्वाच्या बातम्या:
-
शेतकऱ्यांसाठी सर्वात चांगलं बजेट, घरं, रेल्वे, १ लाख कोटी महाराष्ट्राला-खा. नवनित राणा
-
ऑलिंपिक पदकविजेता पी.श्रीजेश बनला “वर्ल्ड गेम अँथलीट ऑफ द इयर”
-
Budget 2022: या अर्थसंकल्पात शेतकऱ्यांसाठी काय? वाचा सविस्तर
-
भारताचा पहिला अर्थसंकल्प केव्हा आणि कोणी सादर केला? जाणून घ्या..
-
गोरगरीब नागरिकांपेक्षा जनावरे महत्वाची आहेत का? जलील यांचा प्रशासनावर गंभीर आरोप!
