ऑलिंपिक पदकविजेता पी.श्रीजेश बनला “वर्ल्ड गेम अँथलीट ऑफ द इयर”

🕒 1 min read

मुंबई: २०२१ मध्ये भारतीय हॉकी संघाने टोकियो ऑलिंपिकमध्ये उत्कृष्ट कामगिरी केली होती. ज्यात त्यांनी मोठ्या कालखंडानंतर इतिहास रचत पदकही जिंकले होते. त्याच संघात असलेला भारताचा अनुभवी हॉकी गोलकीपर पी आर श्रीजेश याने सोमवारी प्रतिष्ठित वर्ल्ड गेम्स प्लेयर ऑफ द इयर पुरस्कार जिंकला.त्याच्या प्रभावी कामगिरीसाठी त्याला हा पुरस्कार मिळाला आहे. हा पुरस्कार मिळवणारा तो केवळ दुसरा भारतीय खेळाडू आहे. याआधी २०२०मध्ये, भारतीय महिला हॉकी संघाची कर्णधार राणी रामपाल २०१९ मध्ये तिच्या उत्कृष्ट कामगिरीसाठी हा पुरस्कार जिंकणारी पहिली भारतीय खेळाडू ठरली होती.

स्पॅनिश क्रीडा गिर्यारोहक अल्बर्टो गुइनेस लोपेझ आणि इटालियन वुशू खेळाडू मायकेल जिओर्डानो यांना मागे टाकत श्रीजेशने हा पुरस्कार मिळवला आहे . श्रीजेशने हा पुरस्कार प्राप्त झाल्यानंतर म्हटले आहे की, “हा पुरस्कार जिंकल्याबद्दल मला अत्यंत सन्मानित वाटत आहे. या पुरस्कारासाठी माझे नामांकन केल्याबद्दल सर्वप्रथम FIH ( INTERNATIONAL HOCKEY FEDERATION ) आणि जगभरातील भारतीय हॉकीच्या चाहत्यांचेही आभार ज्यांनी मला मत दिले आहे.”

A proud moment for all Indians, as PR Sreejesh has brought home The World Games Athlete of the Year 2021 award! ????????????

Well deserved, champ. ????????

Share your thoughts regarding his win ???? pic.twitter.com/sdxtfQuUWw

— Hockey India (@TheHockeyIndia) January 31, 2022

पुरस्कार जिंकण्यासाठी पी श्रीजेशला १,२७,६४७ मते मिळाली होती. या पुरस्कारासाठी नामांकन मिळालेला श्रीजेश हा एकमेव भारतीय होता. आंतरराष्ट्रीय हॉकी महासंघाने (FIH) त्याच्या नावाची शिफारस केली होती. ऑक्टोबरमध्ये FIH स्टार्स अवॉर्ड्समध्ये श्रीजेशला २०२१ चा गोलकीपर ऑफ द इयर म्हणून निवडण्यात आले होते.