मुंबई : मराठा आरक्षणा बाबत एक ऑडिओ क्लिप व्हायरल झाली आहे. यामध्ये भाजपचे नेते चंद्रकांत पाटील यांच्या नावाचा उल्लेख करण्यात आला असून मराठा मोर्चात फूट पाडल्याचा उल्लेखही करण्यात आला आहे. त्यामुळे चंद्रकांत पाटील यांची मराठा आरक्षण समितीच्या अध्यक्षपदावरून हकालपट्टी करण्याची मागणी मराठा क्रांती मोर्चाचे समन्वयक योगेश केदार यांनी केली आहे.
चंद्रकांत पाटलांनी हे सर्व आरोप फेटाळून लावले आहेत. तसेच आम्हीच मराठा समाजाला आरक्षण दिलं असं म्हणत मग फूट पाडण्याचा प्रश्न येतोच कुठे? असा सवाल चंद्रकांत पाटीलांनी केला आहे. तर चंद्रकांत पाटील मराठा आहेत याची काय व्हॅलेडिटी आहे? असा सवाल योगेश केदारांनी केला आहे.
चंद्रकांत पाटलांनी केलेला गुन्हा गंभीर असून त्यांनी तत्काळ राजीनामा द्यावा, अशी मागणी करण्यात आली आहे. तसेच त्यांची समितीच्या अध्यक्षपदावरून देखील हकालपट्टी देखील करण्यात यावी, ऑडिओ क्लिप ऐकल्यानंतर जे समोर आले त्यात तथ्य आणि सत्य आहेच. सगळं काही आता समाजाच्या समोर आलं आहे, असं केदार म्हणाले.
मराठा समाजाचा विश्वास चंद्रकांत पाटलांनी गमवला आहे. आमच्या काही लोकांनी काही केलं असेल तर त्यांना बघून घेण्यासाठी मराठा समाज सक्षम आहे. त्यांना समाज नक्की शिक्षा देईल, असं देखील केदार यांनी म्हटलं आहे.
महत्वाच्या बातम्या :
- Neeraj Chopra | ‘मेरा वाला’ गाण्याच्या तालावर रणवीर सिंग सह नीरज चोपडाचे ठुमके
- Andheri By Elections | मशालवर निवडणुक लढणाऱ्या ऋतुजा लटकेंची माघार? पर्यायी नावंही ठरलं
- Flying Car | लवकर येणार आहे ‘ही’ Flying कार
- Narendra Modi | “मोदी जगाचे नेते झाले, पण देशाचे पंतप्रधान कधी होणार?”; शिवसेनेचा मोदींवर निशाणा
- Maharashtra Rain Update | राज्यात आज पश्चिम महाराष्ट्रासह ‘या’ भागात पावसाचा येलो अलर्ट
