औरंगाबाद : लष्करातील जवानाच्या खात्यातून भामट्याने परस्पर ५१ हजार पाचशे रुपये लांबवले. हा प्रकार १ जानेवारी २०२० रोजी सायंकाळी सहाच्या सुमारास घडला. याप्रकरणी वर्षभरानंतर पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, दीपक साहेबराव सोनवणे (मुळ रा. निमगाव, ता. मालेगाव, जि. नाशिक, ह. मु. आर्टलरी ब्रिगेड, तोफखाना, छावणी) असे भामट्याने गंडा घातलेल्या लष्करातील जवानाचे नाव आहे. दीपक सोनवणे यांच्या एटीएम कार्डचा गोपनीय क्रमांम दिलेला नसतांना देखील भामट्याने त्यांच्या खात्यातून परस्पर ५१ हजार ५०० रूपये १ जानेवारी २०२० रोजी लंपास केले. हा प्रकार दीपक सोनवणे यांच्या लक्षात आल्यावर त्यांनी दिलेल्या तक्रारीवरून भामट्याविरूध्द ६ फेब्रुवारी रोजी छावणी पोलीस ठाण्यात गुन्हा दाखल करण्यात आला आहे. याप्रकरणाचा पुढील तपास पोलीस निरीक्षक मनोज पगारे करत आहेत.
या प्रकरणात एक वर्षानंतर गुन्हा दाखल झाल्याने आश्चर्य व्यक्त होत आहे. असे प्रकार रोखण्यासाठी सायबर पोलिसांच्या वतीने वारंवार जनजागृती करण्यात येते. मात्र, अनेकदा शुल्लक चुकीमुळे असे प्रकार समोर येत आहे.
महत्वाच्या बातम्या
- पियुष गोयल शेतीतज्ज्ञ आहेत हे कळाल्याने माझ्या ज्ञानात भर पडली : शरद पवार
- ‘उस्मानीचे भाषण ऐकले नाही, मुळात एल्गार परिषदेला महत्व देत नाही’
- भांडवलदारांना कृषी व्यवसायात चंचूप्रवेश देण्याचा मोदींचा डाव; ‘या’ मंत्र्याचा आरोप
- शेतकरी आंदोलनावरील आंतरराष्ट्रीय प्रतिक्रियांवर पंतप्रधानांच भाष्य
- भीषण : पंतप्रधान नरेंद्र मोदींनी घेतला उत्तराखंड दुर्घटनेचा आढावा
