Winter Session 2022 | नागपूर : मुख्यमंत्री, उपमुख्यमंत्री आणि विधानसभा अध्यक्षांना मराठी भाषिक लोकांना आधार देण्यासाठी, मराठी भाषिकांना महाराष्ट्र तुमच्या पाठीशी उभा आहे. सर्वजण तुमच्यासोबत उभे आहोत असे चित्र निर्माण करण्यासाठी दोन्ही सभागृहात ठराव एकमताने मंजूर करायला तयार आहोत. त्यामुळे तो ठराव घ्या अशी विनंती करण्यात आली होती. परंतु आज आठवडा संपतोय तरीही त्यांनी तो ठराव घेतला नाही. मात्र सोमवारी तो ठराव कोणत्याही परिस्थितीत घेण्यास भाग पाडू अशा शब्दात विरोधी पक्षनेते अजित पवार यांनी सरकारला ठणकावून सांगितले.
भाजपच्या दिवंगत आमदार मुक्ता टिळक यांना महाविकास आघाडीचे आमदार श्रद्धांजली वाहत आहेत आणि दुसरीकडे शिंदेसरकार कामकाज करत आहेत. मुळात सरकारने विधानसभा सदस्य म्हणून आमदार मुक्ता टिळक यांना श्रद्धांजली वाहून कामकाज थांबवायला हवे होते, असे मत व्यक्त करत अजित पवार यांनी नाराजी व्यक्त केली.
दरम्यान विधानभवनाच्या पायऱ्यांवर प्रति सभागृह भरवून महाविकास आघाडीच्या आमदारांनी जोरदार घोषणाबाजी केली. यावेळी शिवसेना नेते आमदार भास्करराव जाधव, माजी मंत्री जितेंद्र आव्हाड यांनी आपले विचार मांडले व महापुरुषांचा अपमान करणाराऱ्यांचा निषेध केला.
महत्वाच्या बातम्या :
- NIT Land Scam | भाजप नेत्यांनी एकनाथ शिंदे यांच्या विरोधात याचिका दाखल केली होती – अजित पवार
- Winter Session 2022 | “निर्लज्ज सरकारचा, निर्लज्जपणा…” ; विरोधकांची घोषणाबाजी, कामकाजावर बहिष्कार
- Corona | “राज्यातील कोविड परिस्थिती पूर्ण नियंत्रणात असली तरी…” ; राज्य सरकारची महत्वाची माहिती
- Jayant Patil | विरोधकांना बोलण्याची संधी टाळणे लोकशाहीच्या विरोधात ; निलंबनानंतर जयंत पाटलांची पहिली प्रतिक्रिया
- Mukta Tilak | भाजपा आमदार मुक्ता टिळक यांचं निधन
