पुणे : भाजपा नेते किरीट सोमय्या आणि ग्रामविकास मंत्री हसन मुश्रीफ यांच्यातील वादानंतर शिवसेनेने त्यांच्या ‘सामना’ अग्रलेखाच्या माध्यमातून भाजपा प्रदेशाध्यक्ष चंद्रकांत पाटील यांच्यावर टोलेबाजी केली होती. त्या उत्तर देत पाटलांनी शिवसेना खासदार संजय राऊत यांना पत्र लिहिले होते. त्या पत्रावरून पीएमसी बँक घोटाळ्याबाबत चंद्रकांत पाटील यांनी केलेले आरोप मान्य नाही त्यांना कायदेशीर नोटीस पाठवण्यात येईल आणि त्यांच्यावर अब्रूनुकसानीचा दावा ठोकणार असल्याचे खासदार संजय राऊत यांनी म्हटले होते. आपण पाटलांवर सव्वा रुपयांचा दावा ठोकणार असून त्यांची तेवढीच किंमत आहे, असेही यावेळी ते म्हणाले होते. दरम्यान, सोमय्या यांनी देखील मानहानीचा प्रकरणात आता उडी घेतली आहे.
पुण्यातील तळेगाव येथे प्रसारमाध्यमांशी बोलतांना सोमय्या म्हणाले की,’संजय राऊत म्हणजे उद्धव ठाकरे आहेत. त्यांनी चंद्रकांत पाटील यांचे सव्वा रुपया मूल्यांकन केले. अहंकारी संजय राऊतांनी चंद्रकांत पाटील यांची किंमत ही सव्वा रुपया असल्याने सव्वा रुपयांचा मानहाणीचा दावा करणार आहे अस म्हटलं आहे. तुमच्या ठाकरे सरकारचे नेते किरीट सोमय्याला दर आठवड्याला १०० कोटींची नोटीस पाठवतात. किरीट सोमय्यांच मूल्यांकन तुम्ही साडेपाच कोटी करत आहात काय? संजय राऊत तुमची व्हॅल्यू ५५ लाखांची आहे. पीएमसी बॅंकेतील ५५ लाखांची रक्कम तुम्ही चोरली होती. तुम्ही काय आमचं मूल्यांकन करणार’ असेही ते म्हणाले.
दरम्यान, ‘मी येत्या २६ तारखेला अलिबागला जाणार आहे. त्यानंतर २८ तारखेला आंबाबाईचे दर्शन घेण्यासाठी कोल्हापूरला जाणार आहे. मी हे ठाकरे सरकारला कळवलेआहे. आता पाहुयात ठाकरे सरकार पुन्हा एकदा घोटाळेबाज हसन मुश्रीफ यांना वाचवण्यासाठी मला पुन्हा एकदा थांबवण्याचा प्रयत्न करतय. कोल्हापूर पासून साताऱ्याला अजित पवार यांच्या जरंडेश्वर यांच्या कारखान्याची तिथल्या शेतकऱ्यांची भेट घेणार’ असल्याचेही यावेळी सोमय्या यांनी सांगितले.
महत्त्वाच्या बातम्या
- ‘यापूर्वी तीन नगरसेवकांचा प्रभाग असताना राष्ट्रवादीला यश मिळाले होते,आताही पुणेकर राष्ट्रवादी काँग्रेसला साथ देतील’
- उद्धव ठाकरेंनी हिंदुत्वासाठी नाही तर पदासाठी तडजोड केली; नारायण राणेंची मुख्यमंत्र्यांवर टीका
- ओबीसी आरक्षण अध्यादेशावर राज्यपाल आज सही करतील अशी अपेक्षा-हसन मुश्रीफ
- ठरलं ! स्थानिक स्वराज्य संस्थांच्या निवडणुका कुठे बहुसदस्यीय तर कुठे एक सदस्यीय
- पुण्यात उभं राहणार साखर संग्रहालय; राज्य सरकारचा मंत्रिमंडळ बैठकीत निर्णय
बातम्यांसाठी YouTube चॅनेल Subscribe करा
Subscribe Now
