शेतकऱ्यांच्या डोळ्यांत आलेले अश्रू केंद्र सरकार पुसणार आहे का? आ. धीरज देशमुखांचा सवाल

लातूर : देशात सोयाबीनला चांगला भाव मिळत असतांना केंद्र सरकारच्या वतीने सोयाबीन आयात करण्याचा निर्णय घेण्यात आला. त्यामुळे सोयाबीनचे भाव कमी झाले. यामुळे शेतकऱ्यांचे मोठ्या प्रमाणात नुकसान झाले आहे. आता या मुळे शेतकऱ्यांच्या डोळ्यांत आलेले अश्रू केंद्र सरकार पुसणार आहे का? असा प्रश्न लातूर ग्रामीणचे आमदार धीरज देशमुख यांनी उपस्थित केला आहे.

सध्या राज्यात मोठ्या प्रमाणात शेतकऱ्यांनी सोयाबीनची पेरणी केलेली आहे. त्यात सोयाबीनला चांगला भाव असल्याने शेतकऱ्यांमध्ये आनंदाचे वातावरण होते. मात्र, मराठवाड्यात झालेल्या अतिवृष्टीमुळे शेतकऱ्यांचे नुकसान झाले आहे. त्याताच जो काही सोयाबीन हातात येण्याची अपेक्षा आहे, त्याचेही भाव निम्म्याने कमी झाले आहे. त्यामुळे शेतकऱ्यांची चिंता वाढली आहे. केंद्र सरकारच्या या निर्णयामुळे शेतकऱ्यांचे मोठ्या प्रमाणात नुकसान झाले आहे.

या संदर्भात आमदार धीरज देशमुख म्हणाले की, ‘खाद्यतेल आयात शुल्कात घट आणि परदेशातून सोयापेंड आयात करण्याच्या केंद्र सरकारच्या चुकीच्या निर्णयांमुळे सोयाबीनचा भाव चक्क साडेपाच हजार रुपयांवर येऊन ठेपला आहे. त्यामुळे राज्यातील लाखो सोयाबीन उत्पादक शेतकऱ्यांना आर्थिक नुकसानीला तोंड द्यावे लागत आहे. आता शेतकऱ्यांच्या डोळ्यांत आलेले अश्रू केंद्र सरकार पुसणार आहे का?’

महत्त्वाच्या बातम्या

• मुंद्रा पोर्टवरील ३००० किलो ड्रग्ज प्रकरणात अदानी समूहाने दिले स्पष्टीकरण, म्हणाले…
• आरोग्य विभागाच्या भरतीचे प्रवेश पत्र पुढील दोन दिवसात विद्यार्थ्यांना मिळणार; युवासेनेच्या पाठपुराव्याला आले यश
• ‘राज्याची अब्रू दिल्लीच्या वेशीवर टांगण्याचा प्रयत्न कशासाठी? ‘भाजप’ महिलांचे मुख्यमंत्र्यांना पत्र
• ‘या प्रस्थापितांच्या सरकारला ओबीसींना आरक्षण द्यायचे नाही हे पुन्हा सिद्ध झाले’
• सलमान खान सोबत काम करतांना जॅकी उर्फ जग्गुदादाला असा आला अनुभव..