🕒 1 min read
Vasant More | पुणे : मनेसे नेते वसंत मोरे (Vasant More) यांना राष्ट्रवादी काँग्रेसचे नेते व विधानसभेचे विरोधी पक्ष नेते अजित पवार (Ajit Pawar) यांनी एका लग्नसोहळ्यादरम्यान खूली ऑफर दिली. तात्या राष्ट्रवादीत कधी येताय, वाट पाहतोय, असे अजित पवार (Ajit Pawar) म्हणाले. अजित पवारांच्या ऑफरनंतर आता वसंत मोरे यांनी त्यांची भूमिका स्पष्ट केली. याविषयी वसंत मोरे यांना विचारले असता, मी अजूनही मनसेतच असल्याचे त्यांनी सांगितले.
दरम्यान, मनसे नेते वसंत मोरे पुन्हा एकदा आपल्या पक्षावर नाराज असून नुकतीच पुण्यात अमित ठाकरे यांनी त्यांची भेट घेतली. अमित ठाकरे यांनी आपली बाजू ऐकून घेण्यासाठी बोलावलं होतं असं वसंत मोरे यांनी सांगितलं आहे. यावेळी त्यांनी आपल्या नाराजीसाठी शहर कार्यालय जबाबदार असल्याचं सांगितलं आहे.
कोअर कमिटीच्या बैठकीला वसंत मोरे गैरहजर होते. यासंदर्भात त्यांना विचारले असता ते म्हणाले “हा स्वाभिमानाचा विषय नाही. माझा स्वाभिमान दुखावला जात नाही. कोअर कमिटीने एखाद्या स्मशानभूमीत बैठक घेतली तर तिथेही जाईन, पण शहर कार्यालयात जाणार नाही.”
याचं कारणंही त्यांनी स्पष्ट केलं आहे. ते म्हणाले, “मी तिथे अनेक स्वप्नं पाहिली होती. महानगरपालिका जिंकल्यानंतर गुलाल उधळण्याचं, नगरसेवक निवडून आल्यानंतर पेढे वाटण्याचं स्वप्न पाहिलं होतं. पण माझं पद गेल्यावर गुलाल उधळण्यात आला, पेढे वाटण्यात आले. त्यामुळे मी त्या पक्ष कार्यलयात जाणार नाही.”
“मनसेमध्ये एकत्रित बसवून मिटवायची इच्छा दिसत नाही. माझं एकत्रित कुटुंब आहे. आम्हा भावांमध्ये आजही वाद होतात, पण आम्ही सगळे एकत्र बसून मिटवतो. इथे तसं होताना दिसत नाही,” असंही वसंत मोरे म्हणाले.
महत्वाच्या बातम्या :
- Nilesh Rane | “अरे चम्या तुझं कोण कुत्र तरी ऐकतं का?”, निलेश राणेंचा आदित्य ठाकरेंवर हल्लाबोल
- PAK vs ENG | इंग्लंडने पाकिस्तानविरुद्धच्या सामन्यात ‘हा’ पराक्रम करत रचला इतिहास
- Gajanan Kale | “शिल्लक सेनेतले सगळे मर्द संपले असतील तर…”; राऊतांचा उल्लेख करत मनसेचा ठाकरे गटावर हल्लाबोल
- Katrina Kaif & Vicky Koushal | विकी-कॅटच्या लग्नात का होते मर्यादित लोकं?, कतरिनाने दिले उत्तर म्हणाली…
- Sushma Andhare | “मुलाने हजार कोटीचा आणलेला निधी कुठे गेला?”; सुषमा अंधारेंचा मुख्यमंत्र्यांना परखड सवाल
बातम्यांसाठी YouTube चॅनेल Subscribe करा
Subscribe Now
