बीड: १ मे पासून राज्यभरात १८ ते ४४ या वयोगटातील नागरिकांना लस देण्याची मोहीम सुरु करण्यात आली आहे. मात्र लसींचा तुटवडा असल्याने पाहिजे तेवढ्या लस जिल्ह्यात उपलब्ध होत नाहीयेत. अनेकांना लसीसाठी थांबावं लागत असल्याने तरुणांमध्ये नाराजी व्यक्त केली जात आहे. ऑनलाईन नोंदणी करूनही लस मिळत नसल्याने तरुणांमधून संताप व्यक्त होत आहे.
अशा प्रकारामुळे अनेकांनी ऑनलाईन नाव नोंदणी प्रक्रियेवर आक्षेप घेतला आहे. शिवाय जिल्हा रूग्णालय असो की अन्य ठिकाणचे लसीकरण केंद्र सर्वच ठिकाणी दिवसात २०० जणांची बुकींग झाली की इतरांना लस मिळत नाही. सरकारने लसीकरणासाठी ऑनलाईन नाव नोंदणी बंधनकारक केली आहे तर लसीकरणासाठीची अपॉईन्मेंट तात्काळ का मिळत नाही असा सवालही तरूणांनी आरोग्य विभागाला केला आहे.
सध्या १८ ते ४४, ४५ ते ६० व ६० पेक्षा अधिक वयोगटातील नागरिकांना भारत बायोटेकची कोव्हिशिल्ड आणि सिरम इन्स्ट्यिुटची कोव्हॅक्सीन ही लस दिली जात आहे. १ मे पासून मोजक्या केंद्रावर १८ ते ४४ या वयोगटातील लाभार्थ्यांनाही लसीकरण सुरू करण्यात आले. परंतु या केंद्रावर लसींचा तुटवडा असल्याने अनेकांना प्रतीक्षेत थांबावे लागत आहे.
लसीकरणासाठी नागरिकांकडून चांगला प्रतिसाद मिळत आहे, मात्र आरोग्य विभागाने केवळ १८ ते ४४ या वयोगटासाठी ऑनलाईन बुकींग नंतरच लस मिळेल हे जे बंधन घातले आहे ते बरोबर असले तरी नोंदणी होईल तितक्या प्रमाणात दररोज लसीचे डोस उपलब्ध करून देण्याची जबाबदारी स्वीकारावी व या संबंधीचे नियोजन करावे, अशी मागणी होत आहे.
महत्वाच्या बातम्या
- बीड जिल्ह्यातील पाच दिवस कडक लॉकडाऊनचा निर्णय रद्द
- बुमराहचे फॅन एम्ब्रोस म्हणाले, ‘कसोटीत 400 बळी मिळवण्याची आहे ताकत’
- उगा आता पंतप्रधानांना हात जोडू नका, नियुक्ती पत्रावरुन पडळकरांचा मुख्यमंत्र्यांना टोला
- मराठा समाजाला आरक्षण मिळवून देण्यासाठी राज्य सरकारने फेरविचार याचिका दाखल करावी : पाटील
- धारूर तालुक्याला अवकाळी पावसाचा फटका!
