🕒 1 min read
मुंबई: शिवसेना पक्ष प्रमुख उद्धव ठाकरे नगर येथे येणार दौऱ्यावर येणार आहेत. काहीदिवसांपूर्वी शिवसेनेचे उपशहरप्रमुख संजय कोतकर व वसंत ठुबे या शिवसैनिकांची केडगाव येथे निर्घृणपणे हत्या करण्यात आली होती. त्यामुळे कोतकर व ठुबे कुटुंबीयांचे सांत्वन करण्यासाठी उद्धव ठाकरे नगरला येणार आहेत.
७ एप्रिल रोजी केडगाव येथील शिवसेनेचे उपशहरप्रमुख संजय कोतकर व वसंत ठुबे यांची गोळ्या घालून व गळा चिरून हत्या करण्यात आली होती. त्याचे पडसाद राज्यभर उमटले आहेत. या प्रकरणी राष्ट्रवादीचे आमदार अरूण जगताप, आ. संग्राम जगताप, भाजपचे आमदार शिवाजी कर्डिले, काँग्रेसचे नगरसेवक विशाल कोतकर यांच्यासह ३० जणांविरूध्द गुन्हा दाखल असून आ. संग्राम जगताप यांना पोलिसांनी अटक केली आहे.
बातम्यांसाठी YouTube चॅनेल Subscribe करा
Subscribe Now
