🕒 1 min read
मुंबई : दसरा मेळाव्यासाठी शिवसेना आणि शिंदे गटाची जोरदार तयारी सुरु आहे. एकनाथ शिंदे यांनी शिवसेनेत मोठा बंड केल्यानंतर शिवसेना हस्तगत करण्यासाठी प्रयत्न सुरु केले आहेत. त्यामुळे परंपरेनुसार असलेला शिवसेनेच्या दसरा मेळाव्याला देखील शिंदे गट दसरा मेळावा घेऊन शिवसेनेवर ताबा सांगणार आहेत. त्यामुळे दसऱ्याच्या दिवशी खरी राजकीय मेजवानी असणार आहे.
तर शिंदे गटाचा दसरा मेळावा बीकेसी मैदानावर होत आहे. यानंतर हे दोन्ही मेळावे यशस्वी करण्यासाठी आणि जोरदार शक्तीप्रदर्शन करण्यासाठी दोन्ही गटाने जोरदार तयारी सुरू केली आहे. मात्र यावरून आता कॅबिनेट मंत्री उदय सामंत यांनी जोरदार टोला लगावला आहे.
नेमकं काय म्हणाले उदय सामंत?
उदय सामंत हे बीकेसी मैदानावर होणाऱ्या दसरा मेळाव्याच्या तयारीची पाहणी करण्यासाठी आले होते. यावेळी त्यांनी मीडियाशी संवाद साधला. यावेळी बोलताना ते म्हणाले कि, आमचा दसरा मेळावा हा शिंदे गटाचा मेळावा नाही. हा शिवसेनेचा दसरा मेळावा आहे. आता राष्ट्रवादी आणि काँग्रेसकडून शिवसेनेला मदत मिळत आहे आणि काल त्यांच्या गटातील नेते हे भारत जोडो अभियानाला पाठिंबा देण्यासाठी काँग्रेसच्या कार्यक्रमाला गेले होते. त्यामुळे त्यांचा होणारा हा दसरा मेळावा हा शिवसेनेचा नसून हा महाविकास आघाडीचा मेळावा आहे, अशा शब्दात त्यांनी शिवसेनेच्या दसरा मेळाव्याची खिल्ली उडवली.
दरम्यान, यावेळी त्यांनी महापालिका निवडणुकांवर बोलणं यावेळी टाळलं. निवडणूक आयोगाच्या संदर्भात मी काही बोलणार नाही. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस जे निर्णय घेतील तो सर्वांना मान्य असेल, असं त्यांनी सांगितलं.
महत्वाच्या बातम्या :
- Telegram Update | Telegram वापरकर्त्यांसाठी खुशखबर, कंपनीने कमी केल्या ‘या’ सर्विसच्या किमती
- Sharad Pawar | अंधेरी पूर्व पोटनिवडणुकीत पाठिंबा कोणाला?, शरद पवार म्हणाले…
- Supriya Sule | “कुठंतरी काहीतरी शिजतंय”; ‘त्या’ मुद्द्यावर सुप्रिया सुळेंच सूचक विधान
- Udayanaraje | “रयत शिक्षण संस्थेचे नाव बदलून पवार शिक्षण संस्था ठेवा”; उदयनराजेंची बोचरी टीका
- Festive Season Offer | OLA इलेक्ट्रिक स्कूटर वर बंपर ऑफर
बातम्यांसाठी YouTube चॅनेल Subscribe करा
Subscribe Now
