मुंबई : लॉकडाउनमुळे विविध राज्यात अडकलेल्या स्थलांतरित मजुरांची घरी परतण्याची व्यवस्था करण्यात आली आहे. स्थलांतरित मजुरांसाठी विविध राज्यांमधून ट्रेन सोडण्यात येत आहेत. पण त्यासाठी ट्रेन प्रवासाचे तिकिट शुल्क आकारले जात आहे.
याच पार्श्वभूमीवर अभिनेता रितेश देशमुखने एक मन सुन्न करणारा फोटो ट्विटवर शेअर करत मजुरांना गावी जाण्यासाठी विनामूल्य रेल्वेसेवा दिली पाहिजे, अशी मागणी केली आहे. याविषयी ट्विट करत त्याने मन हेलावून टाकणारा एक फोटो त्याने शेअर केला आहे. आपल्या वृद्ध आईला कमरेवर उचलून घेऊन एक मजूर पायी प्रवास करत असल्याचा हा फोटो आहे.
We as a country should bear the cost of migrants going back to their homes. Train services should be free. They (Labourers) are already burdened with no pay & no place to stay compounded with the fear of #covid19 infection. pic.twitter.com/lKK5KfKz7u
— Riteish Deshmukh (@Riteishd) May 4, 2020
‘देशातील स्थलांतरीत लोकांचा घरी परत जाण्याचा खर्च आपण उचललाच पाहिजे. रेल्वे सेवा मोफत दिली पाहिजे. आधीच हे मजूर पगाराविना आहेत, त्यात त्यांना राहण्यासाठी घर नाही आणि करोना व्हायरसची लागण होण्याचा धोकासुद्धा अधिक आहे’, असं रितेशने त्याच्या ट्विटमध्ये म्हटलंय.
दरम्यान, कोरोनामुळे गरिबांची आर्थिक परिस्थिती खालावलेली आहे, याचा मानवतेच्या दृष्टीने विचार करुन रेल्वेने त्यांच्याकडून तिकीट शुल्क आकारु नये, अशी विनंती महाराष्ट्राचे मुख्यमंत्री उद्धव ठाकरे यांनी केंद्र सरकारला केली आहे.
