नागपूर : भारतीय जनता पक्षाचे नगरसेवक तसेच मनपातील आरोग्य विशेष समितीचे सभापती वीरेंद्र कुकरेजा यांना कोरोनाची बाधा झाली आहे. त्यांनी रविवारी (ता. २0 सप्टेंबर) कोरोना चाचणी केली. त्यांचा चाचणी अहवाल पॉझिटिव्ह निघाला आहे. याव्यतिरिक्त त्यांची पत्नी व दोन मुलांचाही कोरोना चाचणी अहवाल हा पॉझिटिव्ह आला आहे.
यापूर्वीही त्यांना कोरोनाची बाधा झाली होती. शहरात कोरोनाचा संसर्ग झपाट्याने वाढत आहे. कोरोनावर नियंत्रण मिळविण्यासाठी यंत्रणाच आता कोरोनाबाधित होत असल्यामुळे आरोग्य यंत्रणेवर ताण वाढत आहे. शहरात दिवसागणिक दोन हजारांवर रुग्ण बाधित होत आहेत. मृत्यूची संख्या वाढत आहे. अशीच परिस्थिती राहिल्यास पुढील ३0 दिवसांत शहरातील कोरोना बाधितांची स्थिती ही दुप्पट होण्याची शक्यता वर्तविण्यात येत आहे.
नागरिकांच्या आरोग्याच्या तसेच कोरोनावर नियंत्रण मिळविण्याच्या उपाययोजनासंदर्भात महापालिकेची आरोग्य समिती महत्त्वपूर्ण आहे. अशा परिस्थितीत आरोग्य सभापती हे कोविड बाधित झाले आहेत. वीरेंद्र कुकरेजा यांनी मागील सात दिवसांत त्यांच्या संपर्कात आलेल्यांना तातडीने कोरोना चाचणी करण्याचे आवाहन केले आहे. याव्यतिरिक्त त्यांनी या संसर्गातून लवकरच बाहेर येण्याचे व जनतसेवेत सक्रिय होण्याचे आश्वासन दिले आहे.
महत्वाच्या बातम्या :-
- ‘या’ जबरदस्त चित्रपटाचा सीक्वलही लवकरच येत आहे प्रेक्षकांच्या भेटीला…
- अधिवेशनानंतर के.के.रेंज बाबतची वस्तूस्थिती जनतेसमोर मांडणार- सुजय विखे
- ‘शरद पवारांचा गेम अजित पवारांनीच केला!’
- भिवंडीतील इमारत दुर्घटनाग्रस्त मृतांच्या कुटुंबियांना ५ लाखांची मदत जाहीर
- राज्यातील मराठा समाज महाविकास आघाडी सरकारला कदापिही माफ करणार नाही- स्नेहलता कोल्हे
बातम्यांसाठी YouTube चॅनेल Subscribe करा
Subscribe Now
