Sanjay Raut ED Inquiry | “संजय राऊतांवर ही कारवाई अपेक्षित होतीच” ; छगन भुजबळ यांची प्रतिक्रिया

नाशिक : संजय राऊत यांना अंमलबजावणी संचालनालयाने ताब्यात घेतले आहे. गेल्या ९ तासांपासून ईडी त्याच्या घराची चौकशी करत होती. पत्रा चाळ घोटाळ्याशी संबंधित मनी लाँड्रिंग प्रकरणी ईडीने हा छापा टाकला होता. रविवारी ईडीचे पथक सकाळी ७ वाजता राऊत यांच्या भांडुप येथील घरी पोहोचले, यावर राष्ट्रवादी काँग्रेसचे नेते छगन भुजबळ यांनी प्रतिक्रीया दिली आहे.

संजय राऊत यांच्यावर ही कारवाई अपेक्षित होतीच. एकदा ईडीचा तपास सुरु झाला की ते ऑफिस, घर चेक करतात. ईथे भुजबळ फार्मवर पण किती वेळा धाडी पडतात, मोजता येत नव्हत्या एवढ्या पडल्या. तो तपासाचा भाग आहे, असे छगन भुजबळ म्हणाले.