नवी दिल्ली- रशियाची कोरोनावरील लस स्पुतनिक 5 नंतर आता अमेरिकेतील मॉर्डना इंक कंपनीनेही जीवघेण्या कोरोना व्हायरसवरील प्रभावी लस तयार केल्याचा दावा केला आहे. मॉर्डनाने दावा केला आहे की, त्यांनी तयार केलेलं कोरोना वॅक्सिन संसर्गापासून बचाव करण्यासाठी 94.5 टक्के प्रभावी असल्याचं निष्पन्न झालं आहे.
मॉडर्ना या अमेरिकेतील औषध उत्पादक कंपनीने विकसित करत असलेली कोरोना लस तिसऱ्या आणि शेवटच्या चाचणीमध्ये ९४.५ टक्के प्रभावी असल्याचा दावा केला. मॉडर्ना कंपनी अमेरिकेतल्या नॅशनल इन्स्टिट्यूट ऑफ हेल्थच्या मदतीने ही लस विकसित करत आहे.
या लसीची ३० हजार लोकांवर चाचणी घेण्यात येत आहे. ही लस खोलीतील सामान्य वातावरणात देखील १२ तास सुरक्षित राहिल असही सांगण्यात येत आहे.यापूर्वी फायझर या कंपनीने कोरोनावरील लस 90 टक्के परिणामकारक असल्याचा दावा केला होता. या कंपनीनंतर आता मॉडर्ना या अजून एका अमेरिकन बायोटेक कंपनीने त्यांची लस 95 टक्के प्रभावी असल्याचा दावा केला आहे.
या लसींच्या संशोधनात मेसेंजर आरएनए या मॉलिक्युलच्या सिन्थेटिक प्रकाराचा वापर करण्यात आला आहे. हा प्रकार शरीराच्या रोगप्रतिकारक क्षमतेला विषाणूवरील प्रथिनांचे आवरण हटवून त्या विषाणूचा सामना करण्यासाठी अँटीबॉडीज तयार करण्याचं काम करतो.
या लसीच्या तिसऱ्या टप्प्याची चाचणी घेण्यात आली असून त्यात 30 हजार स्वयंसेवकांनी सहभाग नोंदवला. कोरोनाची लागण झालेल्या या स्वयंसेवकांना लस टोचल्यानंतर प्रकृतीत सुधारणा झाल्याची नोंद करण्यात आली.
महत्वाच्या बातम्या
- ‘मी नाराज असल्याच्या चर्चा व्यर्थ, पण…’
- पवार साहेबांचा सल्ला घेऊन बिहारमध्ये ‘महाराष्ट्र पॅटर्न’ राबवा, शिवसेना नेत्याचा नितीश कुमारांना सल्ला
- बीड जिल्हयातील कंटेनमेंट झोन बाहेरील धार्मिक आणि प्रार्थना स्थळे सुरु
- आयबीएकडून ८.५ लाख सरकारी बँक कर्मचार्यांना १५ टक्के वार्षिक वेतनवाढ जाहीर
- बनावट डिझेल प्रकरण; मुख्य सुत्रधार देशमुखला अखेर अटक, आणखी आरोपी वाढण्याची शक्यता!
