मुंबई : मुंबईतील साकीनाका बलात्काराच्या घटनेनं देश हादरला असताना पुन्हा एकदा डोंबिवलीत सामूहिक बलात्काराची घटना उघडकीस आली आहे. एका १४ वर्षीय अल्पवयीन मुलीवर ३० जणांनी सामूहिक बलात्कार केल्याचा प्रकार समोर आला आहे. मिळालेल्या माहितीनुसार 14 वर्षीय अल्पवयीन मुलीवर गँगरेप प्रकरणात तब्बल 31 जण आरोपी असल्याची माहिती आहे.
यापैकी 22 जणांना मानपाडा पोलिसांनी ताब्यात घेतलं आहे. अल्पवयीन मुलीच्या प्रियकराने जानेवारीमध्ये बलात्कार करत व्हिडीओ काढला होता. या व्हिडीओच्या आधारे ब्लॅकमेल करत आरोपींनी बलात्कार केल्याचा आरोप आहे. डोंबिवलीतील भोपर परिसरात हा प्रकार घडला. बुधवारी हा सगळा प्रकार उघडकीस आला असून मानपाडा पोलिसांकडून कारवाई केली जात आहे.
दरम्यान आता महाराष्ट्रात वारंवार होत असलेल्या महिलांवरील अत्याचारावरून मनसेच्या सरचिटणीस शालिनी ठाकरे यांनी संताप व्यक्त करत मुख्यमंत्री उद्धव ठाकरे यांच्यावर निशाणा साधला आहे. ‘डोंबिवलीमधील सामूहिक बलात्काराची घटना अंगावर काटा आणणारी आहे. दिल्ली युपीपेक्षा महाराष्ट्राची स्थिती वेगळी नाही हे सिद्ध होण्यासाठी मुख्यमंत्र्यांना अजून काय घडणं अपेक्षित आहे?’ असा सवाल करत शालिनी ठाकरे यांनी संताप व्यक्त केला.
डोंबिवली मधील सामूहिक बलात्काराची घटना अंगावर काटा आणणारी आहे. दिल्ली यूपीपेक्षा महाराष्ट्राची परिस्थिती वेगळी नाही हे सिध्द होण्यासाठी माननीय @CMOMaharashtra यांना अजून काय घडणे अपेक्षित आहे… #डोंबिवलीसामूहिकबलात्कार #डोळेउघडाउद्धवसरकार #महिलासुरक्षावाऱ्यावर
@AUThackeray— Shalini Thackeray (@ThakareShalini) September 23, 2021
महत्त्वाच्या बातम्या
- आयकर विभागाची मोठी कारवाई; पुणे, मुंबईसह 40 ठिकाणी छापे
- पुरावे असतील तर खुशाल तक्रार करा; अजित पवारांचं दरेकरांना सडेतोड उत्तर
- मोदी सरकार अडचणीत! पेगासस प्रकरणाची चौकशी करण्यासाठी सुप्रीम कोर्टाचा मोठा निर्णय
- ‘आतापर्यंत नाहक राज्य सरकारला बदनाम केले, पण वस्तुस्थिती समोर’, अजितदादांचा केंद्रावर निशाणा
- ओबीसी आरक्षण; महाराष्ट्राला इम्पेरिकल डेटा देण्यास मोदी सरकारचा नकार, सुप्रीम कोर्टात सुनावणी
