मुंबई: हिंदी चित्रपटसृष्टीतील नऊ बड्या कलाकरांविरुद्ध बॉलिवूडची गायिका आणि माजी मॉडेलने बलात्कार आणि लैंगिक छळ केल्याचा गुन्हा दाखल केला आहे. ज्यामध्ये बॉलिवूड अभिनेता जॅकी भगनानी आणि प्रसिद्ध फोटोग्राफर कॉलस्टन ज्युलियन यांची नावं देखील आहेत. मॉडेलने प्रसिद्ध फोटोग्राफर कॉलस्टन ज्युलियनवर बलात्काराचा आरोप लावला आहे. तर जॅकी भगनानी याच्यासह इतर आठ जणांविरुद्ध छळ केल्याचा आरोप लावला आहे.
या २८ वर्षीय मॉडेलने सांगितले की, आरोपींनी २०१४ ते २०१८ या चार वर्षांच्या काळात तिला अनेकवेळा लैंगिक त्रास दिला आहे. अभिनेता जॅकी भगनानी याने वांद्रे येथे मॉडेलचं लैंगिक शोषण केलं आहे. तर निखिल कामत यांनी सांताक्रूझमधील एका हॉटेलमध्ये तिचं शारीरिक शोषण केलं आहे. यासोबतच अन्य सात आरोपींमध्ये टी-सीरीजचे कृष्ण कुमार, टॅलेंट मॅनेजमेंट कंपनी क्वानचे सह-संस्थापक, अनिर्बान दास ब्लाह, शील गुप्ता, अजित ठाकूर, गुरज्योत सिंग आणि विष्णू वर्धन इंदुरी यांचीही नावं आहेत.
प्रसिद्ध फोटोग्राफर कॉलस्टन ज्युलियनने माझ्यावर अनेकवेळा बलात्कार केला असल्याचा आरोप मॉडेलने केला आहे. मॉडेलच्या मते, अभिनय क्षेत्रात करीयर करण्यासाठी ती मुंबईला आली होती. पण चित्रपटांत भूमिका मिळवून देण्याच्या नावाखाली आरोपींनी तिचा अनेकदा लैंगिक छळ केला आहे. या प्रकरणी वांद्रे पोलीस ठाण्यात गुन्हा दाखल करण्यात आल्याचे वरिष्ठ पोलिस निरीक्षकांनी केली आहे. मॉडेलच्या तक्रारीनंतर मुंबई पोलिसांनी कलम ३७६ (N), ३५४ आणि ३४ अन्वये गुन्हा दाखल केला आहे.
महत्त्वाच्या बातम्या
- पवारसाहेबांच्या तब्येतीची विचारपूस करण्यासाठीच फडणविसांनी घेतली भेट; राष्ट्रवादीची सारवासारव
- पंतप्रधान नरेंद्र मोदींच्या नेतृत्वातील केंद्र सरकार ची 7 वर्षे दलित मागासवर्गीयांच्या हिताची – आठवले
- अभिनेत्रीच्या मानसिक आणि शारिरीक त्रासाला कंटाळून शिवम पाटीलने केली पोलिसात तक्रार
- चोवीस तासात 40 किमी रस्त्याच्या कामाचा विक्रम; अशोक चव्हाणांनी केले अधिकारी-कर्मचाऱ्यांचे अभिनंदन
- मोठी बातमी : ‘या’ बँकेचा परवाना आरबीआयने केला रद्द
