तेलंगणा : मोठ्या कष्टाने पिकवलेल्या शेतीचे पक्षी-प्राण्यांमुळे मोठं नुकसान होत असते. त्यामुळे शेतकरी काही ना काही युक्ती लढवत असतात. बरेच शेतकरी शेतात बुजगावणी उभी करतात. मात्र तेलंगणातल्या शेतकऱ्याने वेगळीच युक्ती लढवली आहे. त्यानं शेतीच्या संरक्षणासाठी चक्क एक अस्वल नोकरीवर ठेवले आहे. त्याला दिवसाला ५०० रुपये पगार आहे.
शेतकरी भास्कर रेड्डी यांनी आपल्या शेतात एका व्यक्तीला नोकरी दिली आहे. ही व्यक्ती त्यांच्या शेतात अस्वल बनून पहारा देते. माकडांनी शेताचं नुकसान करू नये याची काळजी घेण्याचं काम ही व्यक्ती करते. रेड्डी तेलंगणातल्या सिद्दिपेटचे रहिवासी आहेत.
माकडांपासून तसेच जंगली डुकरांपासून शेताचं रक्षण करण्यासाठी भास्कर रेड्डींनी अनोखी शक्कल लढवली आहे. त्यांच्या शेतात अस्वलाचा पोशाख घालून एक व्यक्ती फिरत असते. त्याला रेड्डींनी नोकरीवरच ठेवलं आहे. शेतीची राखण करण्यासाठी रेड्डी त्याला दिवसाला ५०० रुपये देतात. अस्वलाच्या वेशात वावरणाऱ्या या माणसाची आणि त्याला कामाला ठेवणाऱ्या रेड्डींची सध्या चर्चा होत आहे.
महत्वाच्या बातम्या –
