पेगॅससच्या माध्यमातून पाळत ठेवून फोन हॅक करण्याच्या प्रकरणाची चौकशी करण्यात यावी – राष्ट्रवादी

मुंबई : सध्या पेगॅसस स्पायवेअरची सगळीकडेच चर्चा आहे. इस्त्रायलच्या एनएसओ या फर्मवेअरने तयार केलेलं पेगासेस स्पायवेअर पुन्हा एकदा चर्चेत आलं आहे. इस्रायली फर्म पेगाससद्वारे आपल्या देशातील काही मंत्री तसंच पत्रकारांचे फोन टॅप करण्यात आले असल्याचा दावा करण्यात येतोय.पेगासस हे एक स्पायवेअर आहे. इस्त्रायलच्या NSO ग्रुपने हे स्पायवेअर बनवलं आहे. हे स्पायवेअर ज्यांच्या फोनमध्ये टाकण्यात आल्याची शक्यता असलेल्यांची एक यादी सध्या लीक झाल्याची माहिती आहे. पेगासस स्पायवेअर सॉफ्टवेअरच्या माध्यमातून देशातील पत्रकार आणि राजकीय नेत्यांचे फोन टॅप केल्याचा दावा केला जात आहे.

दरम्यान, या मुद्द्यावरून विरोधकांना सरकारवर टीका करण्याची चांगली संधी मिळाली असून कॉंग्रेस, राष्ट्रवादी, आप, शिवसेना यासह सर्वच विरोधीपक्ष आक्रमक झाले आहेत. यातच आता भारतातील पत्रकार, सामाजिक कार्यकर्ते, मंत्री, न्यायाधीश आणि उद्योगपती यांच्यावर पेगॅससच्या माध्यमातून पाळत ठेवून फोन हॅक करण्यात आल्याची बाब गंभीर असून याप्रकरणाची चौकशी करून जो जबाबदार असेल त्याच्यावर जबाबदारी निश्चित करून कारवाई करण्यात यावी अशी मागणी राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी केली आहे.

पेगॅससने सॉफ्टवेअर स्पायवेअरच्या मदतीने जगभरातील आणि भारतातील काही लोकांचे फोन हॅक केल्याचा मुद्दा आज समोर आला. इस्त्रायलमधील सॉफ्टवेअर एजन्सीने आमचं सॉफ्टवेअर फक्त सरकारलाच विकत असल्याचे स्पष्ट केले आहे. खाजगी लोकांना नाही. जर खाजगी लोकांना विकण्यात आले नाही तर केंद्रसरकारच्या कुठल्या एजन्सीने देशातील पत्रकार, सामाजिक कार्यकर्ते, मंत्री, न्यायाधीश, उद्योगपती यांचे फोन हॅक करुन पाळत ठेवली असा सवाल नवाब मलिक यांनी केला आहे. केंद्रसरकारच्या माहितीसाठी हे करण्यात आले असेल तर कुठल्या  अधिकाऱ्याने किंवा एजन्सीने फोन हॅक करुन पाळत ठेवली याचे उत्तर मोदी सरकारने जनतेला दिले पाहिजे असेही नवाब मलिक म्हणाले.

महत्त्वाच्या बातम्या

• मोठी बातमी! ‘महाराष्ट्रात काँग्रेस निवडणुका स्वबळावर लढणार!’, राहुल गांधींना भेटल्यानंतर पटोलेंची घोषणा
• आदित्य ठाकरेंची तत्परता पाहून मनसेच्या आमदारानी मानले आभार, म्हणाले…
• कोरोनासोबतच डेंग्यू, मलेरियाचीही नागरिकांना धास्ती, पालिका नाचवतेय उपाययोजनांचे कागदी घोडे!
• ‘महाराष्ट्राची पावन भूमी आम्ही प्रदूषित होऊ देणार नाही’ ; डोंबिवलीतील कंपनीवर कारवाई
• ‘देशाला बदनाम करू नका ; मनमोहन सिंगांनी कारवाई केली, तुम्हीही कारवाई करा’