कर्नाटक राज्यातील ११७ किमी लांबीचा रस्ता ऑक्टोबर २०२२ पर्यंत पूर्ण होणार- नितीन गडकरी

मुंबई: NH-275 चा बेंगळुरू-निदाघट्टा -म्हैसूर विभाग हा कर्नाटक राज्यातील ११७ किमी लांबीचा भाग आहे. तब्बल 8,350 कोटी खर्चून हा भाग विकसित केला जात असून बांधकाम पूर्णत्वाच्या जवळ आहे आणि ऑक्टोबर 2022 पर्यंत हे बांधकाम पूर्ण होईल.या रस्त्यामुळे बंगळुरू ते म्हैसूर प्रवासाचा वेळ 3 तासांवरून केवळ 75 मिनिटांपर्यंत कमी होईल. हे दोन महत्त्वाच्या शहरांमधील कनेक्टिव्हिटी वाढवेल आणि या प्रदेशातील पर्यटन आणि अर्थव्यवस्थेला चालना देईल. असे केंद्रीय वाहतूक मंत्री नितीन गडकरी (Nitin Gadkari,) यांनी ट्वीट करत म्हटले आहे.

यावेळी त्यांनी पंतप्रधान नरेंद्र मोदी यांचा उल्लेख करत म्हटले की, “पंतप्रधानांच्या गतिमान नेतृत्वाखाली अशा विविध पायाभूत सुविधा प्रकल्पांची घोषणा मोठ्या जबाबदारीने करण्यात आली आहे आणि ती भ्रष्टाचारमुक्त, पारदर्शक आणि कालबद्ध पद्धतीने पूर्ण करण्याची आमची अटूट बांधिलकी आहे.”, अशी ग्वाही नितीन गडकरी यांनी दिली आहे.

सोबतच या अत्याधुनिक प्रकल्पात 8 किमी लांबीचा उन्नत कॉरिडॉर, 9 मोठे पूल, 42 छोटे पूल, 64 अंडरपास, 11 ओव्हरपास, 4 ROB आणि 5 बायपास अशा अनेक संरचना आहेत ज्यामुळे वाहतूक कोंडी कमी होईल आणि प्रदूषण लक्षणीयरीत्या कमी होईल. अशी माहिती नितीन गडकरी यांनी ट्वीट करत दिली आहे.

महत्वाच्या बातम्या:

• ऑस्कर पुरस्कार सोहळ्यात ‘या’ भारतीयाचा बोलबाला!
• IPL 2022 : …म्हणून आम्ही हरलो! रोहितनं सांगितलं मुंबईच्या पहिल्या पराभवाचं कारण; नक्की वाचा!
• IPL 2022: आरसीबीवर शानदार विजय; कर्णधार मयंक मात्र गोलंदाजांवर भडकला!
• “ज्यांना उद्योग नाही ते टीका करत असतात” –  अजित पवारांनी सुजय विखेंना फटकारलं
• IPL 2022: २०० पार धावा करूनही आरसीबीच्या नावे लज्जास्पद रेकॉर्ड ; स्पर्धेच्या इतिहासातील पहिली घटना