मुंबई : बांग्लादेशच्या दौऱ्यावर असलेल्या श्रीलंका संघाला नुकत्याच पार पडलेल्या एकदिवसीय सामन्याच्या मालिकेत २-१ अशा पराभवाचे तोंड बघावे लागले. मालिकेतील पहिले दोन्ही सामन्यात दारुण पराभव स्विकारल्यानंतर तिसऱ्या आणि आखेरच्या सामन्यात श्रीलंकेने जोरदार पुनरागमन करत ९७ धावांनी विजय मिळवला.
या सामन्यात बांग्लादेशचा महत्वाचा खेळाडू तमिम इक्बालला त्याने केलेल्या एका चुकीमुळे आयसीसीने दंड ठोठावला. श्रीलंकेने दिलेल्या २८७ धावांचा पाठलाग करताना १० व्या षटकात तिसऱ्या चेंडुवर तमिम इक्बाल झेलबाद झाला. पंचाने तमिमला बाद दिल्यानंतर त्याने डीआरएस रिव्हू घेतला. मात्र टिव्ही रिप्लेमध्ये चेंडू त्याच्या बॅटला लागला असल्याचे स्पष्टपणे दिसत होते. त्यामुळे तिसऱ्या पंचांनीही तमिमला बाद करार केले.
डीआरएसमध्ये बाद असल्याचे बघताच तमिमने अपशब्दांचा वापर केला. त्यामुळे आयसीसीने त्याला दंड ठोठावत १५ टक्के रक्कम वसुल केली. आयसीसीने प्रसिद्ध केलेल्या निवेदनात लिहिले आहे की, तमिम इकबाल खेळाडू आणि आयसीसीमधील सहयोगी सदस्यांच्या आचारसंहितेचा कलम २.३ मध्ये दोषी आढळला आहे. यात आंतरराष्ट्रीय सामन्यात अपशब्द वापरल्याचा देखील उल्लेख आहे. यासोबतच त्याच्या शिस्तीच्या रेकॉर्डमध्ये एक डिमेरीट पॉइंट देखील जोडला गेला आहे.
महत्त्वाच्या बातम्या
- शालूच्या फोटोवर कमेंट्सची गर्दी ; पहा घायाळ करणार अंदाज
- पती वर काहीही आरोप करणाऱ्या नेटकऱ्यांना इरफानच्या बायकोचं रोखठोक प्रत्युत्तर, म्हणाली…
- ‘रस्त्यावर केलेली ही घाण कोण उचलतं?’ ; पाळीव प्राणी फिरवणाऱ्या सेलिब्रिटींना अभिनेत्याचा सवाल
- आयपीएलचे उर्वरित सामने होणारच ; गांगुली यांनी अशी केली ICC ची कोंडी
- निवृत्तीनंतर हाशिम आमला पाडतोय काउंटी क्रिकेटमध्ये धावांचा पाऊस
