चर्चा तर होणारच! ३७ चेंडूत शतक करून अझरुद्दीनने मिळवले दिग्गज्यांच्या पंगतीत स्थान

🕒 1 min read

मुंबई : भारतात सध्या सुरु असलेली सईद मुश्ताक अली टी२० स्पर्धा युवा खेळाडूंच्या दमदार कामगिरीमुळे गाजत आहे. या स्पर्धेतील बुधवारी(१३ जानेवारी) पार पडलेल्या मुंबई विरुद्ध केरळ सामन्यानंतर देखील २६ वर्षीय युवा खेळाडू मोहम्मद अझरुद्दीन चांगलाच चर्चेत आला. त्याने या सामन्यात केवळ ३७ चेंडूत शतक पूर्ण केले आहे. याबरोबरच त्याने काही खास विक्रमही केले.

याखेळी अझरुद्दीनने काही खास विक्रम केले आहेत. तो ट्वेंटी-ट्वेंटी क्रिकेटमध्ये धावांचा यशस्वी पाठलाग करताना सर्वोच्च खेळी करणारा दुसरा खेळाडू ठरला आहे. त्याच्याआधी ल्यूक राईटने नाबाद १५३ धावांची खेळी २०१४ मध्ये ससेक्सकडून एसेक्सविरुद्ध धावांचा पाठलाग करताना केली होती.

याबरोबरच ट्वेंटी-ट्वेंटीमध्ये सर्वात वेगवान शतक करणारा तो तिसऱ्या क्रमांकाचा भारतीय फलंदाज ठरला असून त्याने युसुफ पठाणची बरोबरी केली आहे. ट्वेंटी-ट्वेंटीमध्ये सर्वात जलद शतक करणाऱ्या भारतीय फलंदाजांच्या यादीत अव्वल क्रमांकावर रिषभ पंत आहे. पंतने दिल्लीकडून हिमाचल प्रदेशविरुद्ध सईद मुश्ताक अली टी२० स्पर्धेत खेळतानाच सन २०१८ ला ३२ चेंडूत शतक केले होते. तर या यादीत दुसऱ्या क्रमांकावर रोहित शर्मा आहे. रोहितने २०१७ साली श्रीलंकाविरुद्ध भारताकडून खेळताना ३५ चेंडूत शतक केले होते.

या यादीतअझरुद्दीन युसुफसह संयुक्तरित्या तिसऱ्या क्रमांकावर आहे. युसुफने २०१० ला राजस्थान रॉयल्सकडून खेळताना मुंबई इंडियन्स विरुद्ध ३७ चेंडूत शतक केले होते. आता अझरुद्दीननेही ३७ चेंडूत शतक करत त्याची बरोबरी केली आहे. तसेच अझरुद्दीनने केलेला तिसरा मोठा विक्रम म्हणजे तो ट्वेंटी-ट्वेंटी क्रिकेटमध्ये सर्वोच्च खेळी करणाऱ्या भारतीय खेळाडूंच्या यादीत तो तिसऱ्या क्रमांकावर आला आहे.

1⃣st ???? for a Kerala batsman in T20s ????
2⃣nd fastest ton in #SyedMushtaqAliT20's history ????
3⃣rd joint-fastest T20 hundred by an Indian batsman ????

9⃣ fours, 1⃣1⃣ sixes & 1⃣3⃣7⃣* off 5⃣4⃣!

Watch Mohammed Azharuddeen's dominating hundred ???????? #KERvMUM https://t.co/72DX7UDadJ pic.twitter.com/9dbAIEq4gT

— BCCI Domestic (@BCCIdomestic) January 13, 2021

महत्वाच्या बातम्या 

• ‘मोदी, मोठे व्हा !’ सामना अग्रलेखातून पंतप्रधान मोदींना आव्हान…
• थोरातांनी उभे केलेले सहकाराचे मॉडेल सर्व राज्यांसाठी उपयुक्त; छत्तीसगडच्या मुख्यमंत्र्यांनी केले कौतुक
• ‘माझ्या शरीरात प्राण आहे तोपर्यंत मी बाबासाहेबांनी दिलेल्या रिपब्लिकन पक्षाचे नाव जिवंत ठेवणार’
• नामविस्तार दिनाच्या पूर्वसंध्येला विद्यापीठ परिसरात रोषणाई
• डॅशिंग अधिकारी तुकाराम मुंढेंची पुन्हा बदली, आता ‘या’ पदाचा कार्यभार सांभाळणार