भक्त निवासात चक्क जुगाराचा खेळ ! तुळजापुरातील घटना

तुळजापूर : शहरातील दिपक चौकातील आसरा भक्त निवासात चालु असलेल्या जुगार अड्यावर   तिरट नावाचा जुगार खेळणा-या आठ जणांना ताब्यात घेवुन त्यांच्या कडून 11350 रुपये रोख रकमेसह 120350 रुपयाचा मुद्देमाल पोलिसांनी हस्तगत केला. सदरील कारवाई सोमवार दि.20रोजी पाच वाजता करण्यात उपविभागीय पोलीस अधिकारी कार्यालयाने केली.

या बाबतीत अधिक माहीतीअशीकी शहरातील दिपक चौकातील आसरा भक्त निवासतील खोली नंबर सहा मध्ये जुगार चालु असल्याची माहिती मिळताच पोलिस तिथे जाऊन थडकले असता पैशावर तिरट नावाचा जुगार खेळत असताना भारत सोनवणे, आकाश अमृतराव, नितीन रोचकरी, गणेश सिरसट, गजानन जगताप, शुभम माने, योगेश रोचकरी, संतोष पवार,हे सर्व लोकं तुळजापूर इथले असून ते त्या ठिकाणी पोलिसांना सापडले.

या प्रकरणी सपोनी सुरेशचंद्र रोडगे यांनी दिलेल्या फिर्यादीवरून वरील आठ जणांन विरोधात कलम 4,5मुंबई जुगार कायदा सह कलम 188,269अन्वय गुन्हा नोंद करण्यात आला आहे. ही कारवाई उपविभागीय पोलीस अधिकारी डाँ. दिलीप टिपरसे यांच्या मार्गदर्शन खाली पो.काँ. राठोड, राऊत, चाफेकर, कोलारे, मांडोळे, अतकरे यांनी केला.