अहमदनगर/ऋषिकेश घोगरे:- आमदार निलेश लंके यांनी पोलीस ठाणे व तहसील कार्यालय सोडून तालुक्यातील जनतेसाठी एखादे तरी समाजउपयोगी काम केले असेल तर त्यांनी ते दाखवावे. गेल्या वर्षभरात लोकप्रतिनिधींनी तालुक्यात कुठलीही विकासकामे केलेली नाहीत, अशी टीका जिल्हा परिषदेचे माजी उपाध्यक्ष सुजीत झावरे पाटील यांनी आमदार निलेश लंके यांच्यावर केली आहे. पारनेर तालुक्यातील पळसपूर येथे सुजित झावरे यांच्या माध्यमातून जिल्हा परिषदेतून निधी उपलब्ध होऊन बंधारा बांधण्यात आला. त्यातील पाण्याचे जलपूजन झावरे यांच्या हस्ते झाले. त्यावेळी ते बोलत होते.
यावेळी झावरे म्हणाले, पारनेर तालुक्यात वादळी वाऱ्यासह झालेल्या पावसाने उभी पिके जमिनदोस्त झाली आहेत. सरकारने नुकसान झालेल्या पिकांचे तातडीने पंचनामे करून शेतकऱ्यांना नुकसान भरपाई द्यावी. तसेच तालुक्याचे आमदार निलेश लंके राज्यात आपली फार वट असल्याचे सांगतात. मात्र, तालुक्याची अवस्था काय झाली आहे हे सर्वांना माहिती आहे. राज्याला दिशा द्यायचे सोडा, आधी तालुक्याचे बघा, अशी कोपरखळी सुजित झावरे यांनी आ.लंके यांना मारली आहे.
आ.निलेश लंके यांनी जे कोविड सेंटर उभारले आहे त्या कोविड सेंटरसाठी शासन सर्व पुरवत आहे. मग स्वतःच्या नावाचा गौरव कशासाठी करायचा? गळ्यात हात टाकणे, वाढदिवस साजरे करणे हे फार काळ टिकत नसतं. आ.लंके यांनी जनतेला वेड्यात काढून दिशाभूल करण्याचे काम केले आहे, असे झावरे म्हणाले.
महत्वाच्या बातम्या:-
- कंटोंनमेंट झोन वगळता ईतर भागातील हॉटेल्स रिसॉर्टबाबत कार्यप्रणाली जारी
- पर्यटनमंत्री आदित्य ठाकरे यांनी केला आरे दौरा
- बिहारमध्ये जाऊन फडणवीसांच्या उद्धव ठाकरेंवर हल्लाबोल
- अहमदनगरमधील शिवसैनिकांना कंगनाचा निषेध पडला महागात, १९ शिवसैनिकांवर गुन्हा दाखल
- किसान रेल अमरावतीवरून सुरू करण्यासाठी प्रयत्न सुरू, केंद्रीयमंत्री नितीन गडकरींची घोषणा
बातम्यांसाठी YouTube चॅनेल Subscribe करा
Subscribe Now
