नाशिक : नाशिकमध्ये होणाऱ्या 94 व्या अखिल भारतीय मराठी साहित्य संमेलनाचा आज समारोप होणार आहे. विशेष म्हणजे या कार्यक्रमाला राष्ट्रवादी काँग्रेसचे अध्यक्ष शरद पवार, मंत्री बाळासाहेब थोरात, ज्येष्ठ साहित्यिक नरेंद्र चपळगावकर यांची विशेष उपस्थिती राहणार आहे. समारोपाच्या कार्यक्राच्या आधीच एक धक्कादायक घटना घडली आहे. साहित्य संमेलनाच्या कार्यक्रमाला आज या घटनेने गालबोट लागले आहे.
लोकसत्ता वृत्तपत्राचे संपादक आणि ज्येष्ठ लेखक गिरीश कुबेर यांच्यावर भर संमेलनामध्ये शाई फेकण्यात आली आहे. संभाजी ब्रिगेडच्या लोकांनी शाई फेकल्याची माहिती मिळाली आहे. साहित्य संमेलनाच्या मुख्य व्यासपीठाच्या मागच्या बाजूलाच ही शाईफेक करण्यात आली आहे. पोलिसांनी शाई फेकणाऱ्या काही लोकांना ताब्यातही घेतलं आहे. छत्रपती संभाजी महाराजांबद्दल वारंवार अग्रलेख लिहल्यामुळे शाई फेकली असल्याचे त्यांनी सांगितले आहे.
दरम्यान, पोलिसांचा काटेकोर बंदोबस्त असतानाही ही शाई फेकण्याची घटना घडली आहे. शाई फेकणाऱ्या दोघांना पोलिसांनी ताब्यात घेतले असून त्यांनी संभाजी महाजारांबाबत चूकीचं लिखाण केल्यामुळे गिरीश कुबेर यांच्यावर शाई फेकली असल्याचं सांगितलं आहे.
महत्वाच्या बातम्या
- ममता बॅनर्जी आल्या व महाराष्ट्रात वादळ निर्माण करून गेल्या- संजय राऊत
- ‘मुंबईला ओरबाडून ज्यांना आपली राज्ये विकसित करायची आहेत त्या राज्यांचा विकास म्हणजे तात्पुरती सूज’
- ‘… पण महाराष्ट्राप्रमाणेच बंगाल झुकणार नाही’, ममता बॅनर्जींचा इशारा
- ‘…आता राजकारणाची सूत्रे हाती घ्यायला हवीत’, आदित्य ठाकरेंना बॅनर्जींचा सल्ला
