Sanjay Raut | रोहित पवारांच्या बेळगाव दौऱ्यानंतर राऊतांचा राज्य सरकारला टोला; म्हणाले, ”इच्छा आणि हिम्मत असली की…”

🕒 1 min read

Sanjay Raut | मुंबई : महाराष्ट्र आणि कर्नाटकमधील वाद वाढत चालला आहे. दोन राज्यांमधील हा वाद पाच दशकांहून अधिक जुना आहे. त्यामुळे राजकारणही होत आहे. शिंदे – फडणवीस सरकारमधील दोन मंत्री कर्नाटकातील बेळगाव येथे जाणार होते, मात्र त्यांचा दौरा पुढे ढकलावा लागला.

मंत्री चंद्रकांत पाटील (Chandrakant Patil) आणि शंभूराज देसाई (Shambhuraj Desai) हे लोकांशी चर्चा करण्यासाठी कर्नाटकातील बेळगावी येथे जात होते. मात्र कर्नाटकचे मुख्यमंत्री बसवराज बोम्मई यांनी महाराष्ट्रातील मंत्र्यांना बेळगावला न येण्याची धमकी दिली होती. दरम्यान राष्ट्रवादी काँग्रेसचे आमदार रोहित पवार (Rohit Pawar) यांनी काल अचानक बेळगाव दौरा केला. यावरून शिवसेना खासदार संजय राऊत (Sanjay Raut) यांनी राज्य सरकारवर खोचक शब्दात टीका केली आहे.

रोहित पवार यांनी गनिमी काव्याने बेळगावात जाऊन छत्रपती शिवाजी महाराजांच्या पुतळ्याला अभिवादन केले आहे. बेळगाव शहरातील मध्यवर्ती भागात असलेल्या छत्रपती शिवाजी महाराज उद्यानाला भेट देऊन उद्यानातील आपल्या मराठी अस्मितेचे मानबिंदू ,आपले आराध्यदैवत युगपुरुष छत्रपती शिवाजी महाराजांच्या पुतळ्याला अभिवादन केल्याचे रोहित पवार म्हणाले.

जय महाराष्ट्र!
मंत्री पोहोचले नाहीत.पण रोहित पवार बेळगावात पोहोचले!इच्छा आणि हिम्मत असली की आडवे येणारे पळून जातात. https://t.co/FBRgfwAnYX

— Sanjay Raut (@rautsanjay61) December 13, 2022

त्यांच्या या दौऱ्यांनंतर संजय राऊत यांनी ट्विट करत राज्य सरकावर निशाणा साधला. “राज्य सरकारचे मंत्री बेळगावात पोहोचले नाहीत. पण रोहित पवार बेळगावात पोहोचले. इच्छा आणि हिंमत असली की आडवे येणारे पळून जातात”, असे ते म्हणाले.

महत्वाच्या बातम्या :

• Sushma Andhare | ‘पुणे बंद बेकायदेशीर’ म्हणणाऱ्या सदावर्तेंना सुषमा अंधारेंचं सडेतोड प्रत्युत्तर; म्हणाल्या…
• IND vs BAN 1st Test | बांगलादेशला मोठा धक्का! सामान्याआधी कर्णधार रुग्णालयात दाखल
• Devoleena Bhattacharya | ‘गोपी बहू’ला लागली हळद, देवोलीना भट्टाचार्य बांधणार लग्नगाठ?
• Maharashtra Weather Update | राज्यात ‘या’ ठिकाणी जोरदार पावसाची हजेरी
• Rishabh Pant | टीम इंडियाच्या प्रशिक्षकाने ऋषभ पंतबाबत केला ‘हा’ मोठा खुलासा