‘रोहितचा एकच नियम, खेळ म्हणजे जिंकणे’

इंग्लंड : सर्व क्रिकेट रसिकांना आता उत्सुकता लागली आहे. ती जागतीक कसोटी चॅम्पियनशीप स्पर्धेच्या अंतिम सामन्याची. येत्या १८ ते २२ जुन दरम्यान हा सामना इंग्लंडमध्ये भारत आणि न्युझीलंड संघादरम्यान खेळविण्यात येणार आहे. या सामन्यात सहभागी भारताचा आघाडीचा फलंदाज रोहित शर्माला एक अनोखा विक्रम नोंदविण्याची संधी आहे.

दरम्यान, रोहितचे बालपणाचे प्रशिक्षक दिनेश लाड यांनी एका मुलाखतीत रोहितबाबत अनेक गोष्टी सांगितल्या आहेत. मुलाखतीदरम्यान दिनेश लाड म्हणाले, रोहित नेहमी जिंकण्याचा विचार करतो. खेळ म्हणजे त्याच्यासाठी पक्त जिंकणे आहे. यावेळी त्यांनी रोहित बद्दलचा एक किस्सा देखील सांगितला ते म्हणाले, एकदा एका टीम सोबत खेळतांना समोरच्या टीमच्या स्कोर २४० होता. त्याचा पाठलाग करतांना आमचा स्कोर ३० धावांवर ४ बाद असा होता. मात्र त्यावेळी रोहित शर्मा खेळत होतो. त्याने माझ्यासाठी मेसेज पाठवला की, सरांना सांगा टेन्शन घेवू नका. ही मॅच मी जिंकून देणार. त्यावेळी रोहितने १०० धावा काढल्या होत्या.

सामना खेळत असताना रोहित एकच विचार करतो फक्त जिंकायचा. रोहितचा एकच नियम खेळ म्हणजे जिंकणे. जिंकले तरचं खेळात मजा. आपण हारलो तर निराश होतो. जर जिंकण्यासाठी आपण खेळलात तर आपण चांगली खेळी खेळू शकता. हा फंडा रोहितचा सुरुवातीपासून होता, असे रोहितचे लहानपणीचे प्रशिक्षक म्हणाले आहेत.

महत्त्वाच्या बातम्या

• शिवसेनेला भाजपची भीती वाटतेय की मित्रपक्षांवर भरोसा नाही ?
• रावसाहेब दानवेंच्या कार्यालयाची झाडाझडती, दोन अधिकाऱ्यांसह पाच पोलीस निलंबित
• WTC चा अंतिम सामना जिंकणाऱ्या टीमला मिळणार ‘एवढी’ रक्कम
• ‘या’ ठिकाणी दुसऱ्यांदा अतिक्रमणाचा प्रयत्न, मनपाच्या अतिक्रमण विभागाने हाणून पाडला!
• इशांत का सिराज, ‘विराट’प्रश्न ; सराव सामन्यात मिळालं उत्तर
• ‘धर्माच्या भावनांशी खेळू नका’; राम मंदिर घोटाळ्याच्या आरोपांवर शिवसेना खासदाराचा इशारा