मुंबई : बॉलीवूडचा दिवंगत अभिनेता सुशांत सिंग राजपूत (sushant singh rajput)चा आज ३६ वा वाढदिवस आहे. सोशल मीडियावर चाहत्यांनी त्याच्या आठवणींना उजाळा देत फोटो, व्हिडीओ शेअर करत आहेत. तसेच सुशांतची गर्लफ्रेंड अभिनेत्री रिया चक्रवर्तीने देखील (Rhea Chakraborty) त्याच्या वाढदिवसानिमित्त शुभेच्छा दिल्या आहेत.
अभिनेत्री रिया चक्रवर्तीने तिच्या इंस्टाग्रामवर त्याच्यासोबतचा एक थ्रोबॅक व्हिडीओ पोस्ट केला आहे. तसंच ‘तुझी खूप आठवण येतीय’ असं त्यावर ओळी लिहून शेअर केले आहे. तसेच तिच्या इंस्टाग्राम प्रोफाइलवर त्याच्यासोबत छानसा व्हिडीओ पोस्ट करुन त्याला वाढदिवसाच्या शुभेच्छा दिल्या आहेत. तिने व्हिडीओला पिंक फ्लॉइडचे ‘विश यू विअर हिअर’ हे गाणं लावलं आहे.
सुशांत सिंह राजपूतच्या मृत्यूनंतर काही महिन्यांनी रिया चक्रवर्तीला अनेक संकटांचा सामना करावा लागला होता. सुशांत सिंग राजपूत १४ जून २०२० रोजी मुंबईतील त्याच्या घरी मृतावस्थेत आढळून आला, त्याच्या मृत्यूची चौकशी सीबीआयने केली, ज्यांनी रिया चक्रवर्ती आणि तिच्या कुटुंबातील सदस्यांची तसेच सुशांतच्या काही कर्मचाऱ्यांची चौकशी केली. रिया आणि तिचा भाऊ सौविक यांना नार्कोटिक्स कंट्रोल ब्युरोने ड्रग्ज तपासात अटक करण्यात आले होते.
महत्वाच्या बातम्या:
- “गोव्यात महाविकास आघाडी निर्माण होणार नाही”, संजय राऊतांनी केला खुलासा
- भाजपवाले कधीपासून गांधीवादी झाले? शरद पवारांची खोचक टीका
- गोवा विधानसभा निवडणुकांच्या पार्श्वभूमीवर शिवसेनेने जाहीर केली उमेदवारांची यादी
- “राम-रावणाच्या भूमिकेत रावणाची भूमिका करणाऱ्याने सीतेचं अपहरण केलं असं होत नाही”, शरद पवारांनी केले अमोल कोल्हेंचे समर्थन
- पर्रिकरांनी पणजीतून उमेदवारी अर्ज भरला, तर शिवसेना त्यांना पूर्णपणे पाठिंबा देईल- संजय राऊत
