🕒 1 min read
मुंबई : टीम इंडियाचा यष्टीरक्षक-फलंदाज ऋषभ पंत (Rishabh Pant) याची फसवणूक करणाऱ्या आरोपीला अटक करण्यात आली आहे. आरोपी मृणांक सिंगने (Mrinank Singh) ऋषभ पंतला महागडे घड्याळे आणि मोबाईल स्वस्तात मिळवून देण्यास सांगितले होते, असा आरोप आहे. या प्रकरणी ऋषभ पंतचा मॅनेजर पुनीत सोलंकी यांनी नुकताच मृणांक सिंगविरुद्ध गुन्हा दाखल केला होता. चेक बाऊन्स होऊन ऋषभ पंतची १,६३,००,००० रुपयांची फसवणूक झाल्याचा आरोप आहे. मृणांक सिंग हा हरयाणाचा क्रिकेटपटू आहे.
साकेत न्यायालयाने गेल्या आठवड्यात मृणांक सिंगला हजर करण्यासाठी मुंबईच्या आर्थर रोड कारागृहाला नोटीस बजावल्याचे मीडिया रिपोर्ट्समध्ये म्हटले आहे. मृणांक या महिन्याच्या सुरुवातीला जुहू पोलिसांच्या ताब्यात आला होता. त्याच्यावर एका व्यावसायिकाची सहा लाख रुपयांची फसवणूक केल्याचा आरोप आहे. ऋषभ पंतला एका महागड्या कंपनीचे घड्याळ विकत घ्यायचे होते, त्याने एका घड्याळासाठी ३६,२५,१२० रुपये आणि दुसऱ्या कंपनीच्या घड्याळासाठी ६२,६०,००० रुपये दिले. मृणांकने पंतचा मॅनेजर सोलंकीला असे सांगितले होते की, तो महागडी घड्याळे स्वस्तात खरेदी करू शकतो.
https://twitter.com/sportstigerapp/status/1528727302091120640
मिड डेच्या वृत्तानुसार, ऋषभ पंतने केलेल्या तक्रारीत म्हटले आहे, की मृणांक सिंगने त्याची फसवणूक केली आहे. जानेवारी २०२१ मध्ये मृणांकने मॅनेजर पुनीत सोलंकी यांना खोटे सांगितले, की त्याने महागडी घड्याळे, बॅग आणि इतर वस्तू खरेदी आणि विक्री करण्यास सुरुवात केली. मृणांकने अनेक खेळाडूंचा उल्लेख करून त्या खेळाडूंना महागड्या वस्तूही विकल्याचा आरोप आहे. आरोपींच्या बोलण्यावर विश्वास ठेवून ऋषभ पंतने फेब्रुवारी २०२१ मध्ये वस्तू खरेदी करण्यासाठी पैसे दिले. आरोपीने बनावट कामे करून चित्रपट दिग्दर्शक आणि अनेक हॉटेल मालकांची फसवणूक केल्याचेही कळते.
महत्वाच्या बातम्या –
बातम्यांसाठी YouTube चॅनेल Subscribe करा
Subscribe Now
