बंगळुरू : कर्नाटकात ३० ऑक्टोबर रोजी विधानसभेच्या दोन जागांसाठी पोटनिवडणूक जाहीर झाली आहे. या दोन जागांसाठी जोरदार प्रचार सुरू आहे. या दरम्यान कर्नाटकमधील भारतीय जनता पार्टीचे प्रदेश अध्यक्ष नलीन कुमार कटील यांनी काँग्रेसचे माजी अध्यक्ष राहुल गांधी यांच्याबाबत वादग्रस्त वक्तव्य केले आहे. त्यांनी राहुल गांधी यांना अंमली पदार्थांचे व्यसन करणारी व्यक्ती असे संबोधले आहे. तसेच ते ड्रग्सची तस्करी करत असल्याचा खळबळजनक दावाही केला आहे. आता याप्रकरणी भाजपने तत्काळ माफी मागावी, अशी मागणी कर्नाटक काँग्रेस अध्यक्ष डी के शिवकुमार यांनी केली आहे.
याबाबत भाजपाचे प्रदेशाध्यक्ष नलीन कुमार कटील यांनी ट्विट केले होते. ‘राहुल गांधी कोण आहेत? मी हे सांगत नाही आहे. राहुल गांधींना ड्रग्जचं व्यसन असून ते ड्रग्ज तस्करदेखील आहेत. हे मीडियात आलं होतं. तुम्ही साधा पक्षही चालवू शकत नाही,’ असं नलीन कुमार कटील म्हणाले होते.
नलीन कुमार यांच्या या वक्तव्यानंतर कर्नाटक प्रदेश काँग्रेसनं हा मुद्दा उचलून धरला आहे. कर्नाटक काँग्रेस अध्यक्ष डी के शिवकुमार यांनी भाजप नेत्याच्या या वक्तव्याचा निषेध केला आहे. तसंच नलीन कुमार यांनी माफी मागावी, अशी मागणीही त्यांनी ट्विटद्वारे केली केली.
Yesterday I said I believe we should be civil and respectful in politics, even to our opponents. I hope the BJP agrees with me, and will apologise for their state president’s abusive and unparliamentary remarks against Shri Rahul Gandhi.@RahulGandhi
— DK Shivakumar (@DKShivakumar) October 19, 2021
आपलं राजकारण हे विरोधकांसाठीही सभ्य आणि सन्मानजनक असायला हवं, असं मला वाटतं. मला आशा आहे की भाजपही माझ्या या मताशी सहमत असेल भाजपाने राहुल गांधींबद्दल केलेल्या या अपमानजनक टिप्पणीबद्दल माफी मागतील, असे ट्विट शिवकुमार यांनी केले आहे.
महत्वाच्या बातम्या
- ‘जाऊ तिथं खाऊ, चोर चोर मावसभाऊ व निम्म निम्म वाटून खाऊ असे हे महाखाऊ’, सदाभाऊंचा हल्लाबोल
- ‘महाविकास आघाडीच्या नेत्यांचे दिवाळीत काळे झेंडे दाखवून स्वागत करा’, राजू शेट्टींचे आवाहन
- भारतीय सैन्याकडून ‘लष्कर ए तोयबा’च्या सहा दहशतवाद्यांचा खात्मा
- नाना पटोले यांच्यावर नाराजी, सचिन सावंतांचा काँग्रेस प्रवक्तेपदाचा तडकाफडकी राजीनामा
- ‘पुण्याचे महापौर पद आम्हाला द्या!’, रिपाइंचे अध्यक्ष आठवलेंची मागणी
