पुणे : गेल्या वर्षी मार्चमध्ये पुण्यात पहिल्या कोरोनाबाधित रुग्णाची नोंद करण्यात आली होती. यानंतर, शहरासह जिल्ह्यात कोरोना रुग्णांमध्ये झपाट्याने वाढ झाली होती. गेल्या वर्षाच्या अखेरीस पुण्यातील दैनंदिन जनजीवन सुरळीत होत असतानाच या वर्षी पुन्हा एकदा कोरोना संसर्गाने पुण्यासह राज्यात हाहाकार माजवला आहे.
एप्रिल महिन्यात दररोज पाच ते सहा हजारांहून अधिक नव्या रुग्णांची नोंद करण्यात येत होती. मात्र, आता शहरातील कडक निर्बंधांचा काहीसा परिणाम दिसून येत आहे. कोरोनाबाधितांचा आकडा हा कमी होत असून कोरोनामुक्तांचा आकडा देखील सातत्याने कमी होत आहे.
दिवसभरात नवे १ हजार ३१७ कोरोनाबाधित!
पुणे शहरात आज नव्याने १ हजार ३१७ कोरोनाबाधित रुग्णांची नोंद झाली असून पुणे शहरातील एकूण संख्या आता ४ लाख ५९ हजार ३०३ इतकी झाली आहे.#PuneFightsCorona
— Murlidhar Mohol (@mohol_murlidhar) May 16, 2021
पुणे शहरात आज नव्याने १ हजार ३१७ कोरोनाबाधित रुग्णांची नोंद झाली असून पुणे शहरातील एकूण संख्या आता ४ लाख ५९ हजार ३०३ इतकी झाली आहे. तर, शहरातील २ हजार ९८५ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख ३१ हजार ००८ झाली आहे.
दिवसभरात २ हजार ९८५ रुग्णांना डिस्चार्ज !
शहरातील २ हजार ९८५ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख ३१ हजार ००८ झाली आहे. उपचार करणाऱ्या सर्व डॉक्टर्स आणि टीमचे मनःपूर्वक धन्यवाद !#PuneFightsCorona
— Murlidhar Mohol (@mohol_murlidhar) May 16, 2021
दरम्यन, पुणे शहरात उपचार घेणाऱ्या (ऍक्टिव्ह रुग्ण)२० हजार ५८९ रुग्णांपैकी १,४१५ रुग्ण गंभीर तर ५५९४ रुग्ण ऑक्सिजनद्वारे उपचार घेत आहेत. यासोबतच, ४७ कोरोनाबाधित रुग्णांचा दुर्दैवी मृत्यू झाला आहे. दरम्यान, पुढील काही दिवस हे महत्वाचे असून पुणेकरांनी नियमांचं काटेकोरपणे पालन करावं, असं आवाहन पुण्याचे महापौर मुरलीधर मोहोळ यांनी केलं आहे.
महत्त्वाच्या बातम्या
- संकटात भर : चक्रीवादळाचा कोकणासह मुंबईतील ऑक्सिजन प्रकल्पांना धोका; सतर्कतेचे आदेश
- सरकारची पोलखोल करण्यासाठी भाजप नेमणार कायदेतज्ज्ञांची समिती : चंद्रकांत पाटील
- चक्रीवादळाचा पुण्यातही ‘इफेक्ट’; झाडे कोसळण्याच्या ३१ घटनांची नोंद !
- ‘डिअर राजीव, वुई विल मिस यू’, सुप्रिया सुळेंच्या ‘त्या’ व्हिडिओची चर्चा
- औरंगाबादेत शिवसेना-एमआयएमच्या वादात प्रलंबित राहिलेल्या ‘या’ कामास मिळाली गती!
