“आता मी माझ्या मुलीला महाराष्ट्रात ठेवणार नाही”, जितेंद्र आव्हाडांचे मोठे वक्तव्य

मुंबई: राज्यात महाविकास आघाडी मधील नेते आणि त्यांच्या कुटुंबियांवर ईडीचे धाडसत्र सुरूच आहे. आताच मुख्यमंत्री उद्धव ठाकरे यांचे मेव्हणे श्रीधर पाटणकर यांच्यावर ईडीने कारवाई केली आहे. मात्र या कारवाईचा राज्याचे गृहनिर्माण मंत्री जितेंद्र आव्हाड (Jitendra Awhad) यांनी चांगलाच धसका घेतल्याचे दिसते. त्यांनी म्हटले आहे की, “उद्या ‘ईडी’ने माझ्या मुलीला चौकशीला बोलावले तर ती आत्महत्या करेल तसेच महाविकास आघाडी घ्यायचा तो निर्णय घेईल पण मला विचाराल तर आता मी माझ्या मुलीला महाराष्ट्रात ठेवणार नाही.” त्यांच्या या वक्तव्यानंतर भाजपने त्यांना निशाण्यावर धरले आहे.

राज्य सरकारकडून भाजप नेत्यांची चौकशी सुरु असली तरी कोणालाही तुरुंगात टाकले आहे का? चौकशी करणे आणि धाडी टाकणे यामध्ये फरक आहे. पण आता केंद्रीय यंत्रणा थेट घरात घुसल्या आहेत. यावर महाविकास आघाडीतील वरिष्ठ नेते चर्चा करतील. पण मी माझ्या मुलीला महाराष्ट्रात ठेवणार नाही, असे जितेंद्र आव्हाड यांनी म्हटले आहे.

दरम्यान ईडीने पुष्पक ग्रुपच्या (ED action taken against Pushpak Group) ६ कोटी ४५ लाख रुपयांच्या मालमत्तेची चौकशी केली आहे. त्यात रश्मी ठाकरे यांचे सख्खे भाऊ तथा मुख्यमंत्री उद्धव ठाकरे (Uddhav Thackeray) यांचे मेहुणे श्रीधर पाटणकर  (Sridhar Patankar) यांच्या ठाण्यातील नीलंबरी प्रकल्पातील ११ सदनिकांना टाळे ठोकण्यात आले आहे. या पार्श्वभूमीवर मुख्यमंत्री उद्धव ठाकरे यांनी बुधवारी (२३ मार्च) सकाळी ११ वाजता राज्य मंत्रिमंडळाची महत्वाची बैठक बोलावली आहे. या बैठकीत मविआ कोणते पाऊल उचलणार याकडे सर्वांचे लक्ष लागले आहे.

महत्वाच्या बातम्या:

• सावधान; ‘या’ जिल्ह्यांना हवामान विभागाने दिला रेड अलर्ट!
• “महाराष्ट्राचं खाऊन महाराष्ट्राबद्दल द्वेष सरळ दिसून येतोय”, निलेश राणेंचा जितेंद्र आव्हाडांना टोला
• ‘मी त्यानंतर ७ ते ८ तास त्रासात होतो’ शुबमन गिलचा WTC सामन्यासंबंधी मोठा खुलासा
• उद्धव ठाकरेंच्या मेव्हण्यावर भ्रष्टाचाराचे आरोप; मनोहर जोशींचा हवाला देत नितेश राणे म्हणाले…
• IPL 2022: आयपीएल आधी शास्त्री मास्तर संतापले ; बीसीसीआयच्या घटनेला मूर्ख म्हणत फटकारले