नवी दिल्ली : देशात पेट्रोल आणि डिझेलचे दर गगनाला भिडले आहेत. पेट्रोलने शंभरी पार केली असली तरी कंपन्यांकडून दरवाढीचा सपाटा सुरुच आहे. दिवसेंदिवस पेट्रोल आणि डिझेल दरात वाढ होत आहे. डिझेल देखील शंभरी पार करण्याच्या मार्गावर आहे. गेल्या काही महिन्यांमध्ये घरगुती गॅस, पेट्रोल, डिझेल यांच्या सातत्याने होणाऱ्या दरवाढीमुळे कोरोनाने आर्थिक स्थिती बिकट झालेल्या सामन्यांना अधिकच भार सोसावा लागत आहे.
देशभरात विरोधकांनी केंद्र सरकारसह भाजपवर हल्लाबोल केला आहे. इंधन दरवाढीवर इतर केंद्रीय मंत्री भाष्य करत नसल्याचे दिसून आले होते. आता केंद्रीय रस्ते, परिवहन मंत्री नितीन गडकरी यांनी इंधन दरवाढीवर भाष्य केलं असून यावर उपाय देखील सुचवला आहे.
‘इंधनाच्या वाढत्या किंमतीमुळे नागरिकांमध्ये संताप, राग आहे. याचा प्रभाव कमी करण्यासाठी त्यांनी पर्यायी इंधनाच्या प्रयोगांवर जोर देण्याची गरज व्यक्त आहे.’ असं मत गडकरी यांनी व्यक्त केलं आहे. सीएनजी, एलएनजी आणि इथेनॉलच्या प्रयोगांवर अधिक लक्ष केंद्रित करण्याची गरज असल्याचं देखील ते म्हणाले.
रविवारी नागपूरमध्ये देशातील पहिल्या लिक्विफाइड नैसर्गिक गॅस (LNG) फिलिंग सेंटरचं उदघाटन केलं. ‘वाहनांमध्ये इंधनाच्या रुपात इथेनॉलचा उपयोग केल्यास पेट्रोलच्या तुलनेत कमीत कमी 20 रुपये प्रती लिटर वाचवता येईल,’ असा पर्याय गडकरी यांनी सुचवला आहे.
महत्वाच्या बातम्या
- ‘सामान्यांना लोकलप्रवासाची मुभा द्या नाहीतर पाच हजार प्रवास भत्ता द्या’; भाजपची मागणी
- ‘अमित शाह हे कायद्यापेक्षा मोठे नाहीत त्यांचे नाव घेऊन भाजपा नेत्यांनी धमक्या देऊ नयेत’
- हे राजपुत्रांनी राजपुत्रांसाठी चालवलेलं सरकार, भाजप आमदाराचा आरोप
- ‘मोदींनी अवघ्या ७ वर्षात देशातील जनतेचे जगणे मुश्कील करुन ठेवले’
- ‘काँग्रेसने ज्या शिवसेनेला पाळलं, त्यांच्या प्रमुखांनीच पाळत ठेवली हे किती वाईट!’; भाजप नेत्याची बोचरी टीका
