मुंबई : केंद्रीय मंत्री नितीन गडकरी यांनी मनसे अध्यक्ष राज ठाकरे यांची मुंबईतील निवासस्थानी भेट घेतली. “ही राजकीय बैठक नव्हती. राज ठाकरे आणि त्यांच्या कुटुंबियांशी माझे चांगले संबंध आहेत. मी त्यांचे नवीन घर पाहण्यासाठी आणि त्यांच्या आईची प्रकृती जाणून घेण्यासाठी आलो होतो” असे नितीन गडकरी म्हणाले.
नितीन गडकरी हे राज ठाकरेंच्या घरी भेटीसाठी गेल्याने राजकीय वर्तुळात विविध चर्चा रंगण्यास सुरुवात झाली आहे. गुढीपाडव्याच्या मेळाव्यात मनसे अध्यक्ष राज ठाकरे यांनी महाविकास आघाडी सरकारवर जोरदार टीका केली होती. त्यानंतर राजकीय वर्तुळातून अनेक प्रतिक्रिया आल्या आणि मनसेला भाजपची बी टीम असंही संबोधण्यात आलं.
त्यानंतर काल राज ठाकरेंच्या भेटीला नितीन गडकरी गेल्यामुळे विविध चर्चा रंगण्यास सुरुवात झाली आहे. येत्या काळात मुंबईसह राज्यातील विविध महानगरपालिकांच्या निवडणुका होणार आहेत. त्यामुळे या निवडणुकांत भाजप-मनसे युती होणार का? अशी ही चर्चा सुरू झाली आहे.
महत्वाच्या बातम्या –
