Mahesh Tapase | मुंबई : भाजपचे नेते चंद्रशेखर बावनकुळे (Chandrashekhar Bawankule) यांनी राष्ट्रवादीचे सर्वेसर्वा शरद पवार यांच्याबद्दल खळबळजनक वक्तव्य केलं आहे. शरद पवार भोंदूबाबा असून त्यांनीच उद्धव ठाकरे यांच्यावर जादूटोणा केला असल्याचं बावनकुळे म्हणालेत. यावर राष्ट्रवादी काँग्रेसकडूनही यावर प्रत्युत्तर देण्यात आलं आहे. राष्ट्रवादी काँग्रेसचे राज्य मुख्य प्रवक्ते महेश तपासे (Mahesh Tapase) यांनी यावर प्रत्युत्तर देत चंद्रशेखर बावामुळे यांच्यावर टीका केली आहे.
ते म्हणाले, भाजपा प्रदेशाध्यक्ष चंद्रशेखर बावनकुळे यांनी आपल्या मेंदूची आधी तपासणी करुन घ्यावी आणि मग बोलावे. तसेच, “जादूटोणा, भोंदूबाबा हे शब्द सभ्य संस्कृतीतील नाहीत. राजकारण करायचं असेल तर मुद्दयावर राजकारण करा.” असा इशाराही महेश तपासे (Mahesh Tapase) यांनी दिला आहे.
पुढे ते म्हणाले, “महाराष्ट्रात जादूटोणा विरोधी कायदा कुठल्या सरकारने आणला याचा विसर बावनकुळे यांना पडला असावा. शरद पवार (Sharad Pawar) यांची पकड महाराष्ट्रावर आहे. तुमच्यासारख्या जातीयवादी पक्षाच्या तावडीतून शिवसेनेला मुक्त करुन महाविकास आघाडीचे मुख्यमंत्री यांना केले ही किमया पवारांची असल्याचं महेश तपासे म्हणाले. त्यामुळे २९ नोव्हेंबरला सुप्रीम कोर्टाचा निकाल येईल, तेव्हा तुमचे सरकार पायउतार होणार हे निश्चित आहे. त्यानंतर तुम्हाला जादूटोणा जे काही करायचं ते करा, असेही महेश तपासे (Mahesh Tapase) म्हणालेत.
काय म्हणाले होते चंद्रशेखर बावनकुळे?
राष्ट्रवादीचा राज्यात बेईमानीतून सत्ता बनवण्याचा प्रयत्न होता. तो त्यांनी यशस्वी केला. म्हणजे उद्धव ठाकरे यांच्यावर एकप्रकारे जादूटोणा करण्याचा हा प्रकार होता. तो त्यांनी केला, असं चंद्रशेखर बावनकुळे (Chandrashekhar Bawankule) म्हणालेत. त्या जादूटोण्यामुळे उद्धव ठाकरे त्यांच्यासोबत गेले. शरद पवार हेच या जादूटोण्याचे भोंदूबाबा असल्याचं ते अप्रत्यक्षपणे म्हणाले. एकदा शरद पवारांच्या ताब्यात कोणी आला तर तो सुटत नाही, असा अशी बोचरी टीका त्यांनी केली होती.
महत्वाच्या बातम्या :
- Sushma Andhare । “आता चित्रा वाघ यांनीही संजय राठोडांची दीदी व्हावं”; सुषमा अंधारेंचा खोचक टोला
- Skin Care Tips | चेहरा निस्तेज होत असेल, तर स्वयंपाक घरातील ‘या’ गोष्टी ठरतील उपयोगी
- Amol Mitkari | “सरकारला गंभीर परिणाम भोगावे लागतील”; आव्हाडांच्या अटकेनंतर अमोल मिटकरींचा इशारा
- Explained | का झाली जितेंद्र आव्हाडांना अटक?, चित्रपटाला विरोध का? नेमका वाद जाणून घ्या!
- Winter Health Care | हिवाळ्यामध्ये शरीराला उबदार ठेवायचे असेल, तर ‘या’ गोष्टींचा आहारात करा समावेश
