सोलापूर : शिवसेना नेते तथा पाणी पुरवठा व स्वच्छता मंत्री गुलाबराव पाटील यांनी सोलापूर येथील सांगोला येथे भाजपावर निशाना साधला आहे. ‘शिवसेनेमध्ये पुंगानी वाजवणारे विजयराज शिंदे आमदार झाले. शिवसेनेमध्ये रिक्षा चालवणारे दिलीप भोळे आमदार झाले. पानटपरी चालवणारा हा गुलाबराव पाटील तुमच्यासमोर मंत्री म्हणून बोलतोय. हे सोडाच सायकल चोरणारे नारायण राणे मुख्यमंत्री झाले, हे रसायन शिवसेनेचं आहे.’ असे गुलाबराव पाटील म्हणाले.
यावेळी गुलाबराव पाटील म्हणाले, दोन वर्षापासून गणपती पाण्यात टाकून बसलेत, डोंबऱ्याचा खेळ सुरु आहे. मुलगी दोरीवर चालतेय. बाहेर एक पोट्टा उभा आहे. ही मुलगी कधी खाली पडेल आणि कधी मी लग्न करणार. पण चिंता करण्याची गरज नाही. हे सरकार पाच वर्ष शंभर टक्के चालणार आहे.
पुढे गुलाबराव पाटील म्हणाले, मला माहित आहे की, गाडी चालवायची असेल तर लायसन्स लागते. एसटी चालवायची असेल, तर लायसन्स लागते. पण, शरद पवार साहेबांनी विना लायसन्सचा ड्रायव्हर बसून दिला. उद्धव साहेब ड्रायव्हर, अजित पवार कंडक्टर आणि बाळासाहेब थोरात प्रवासी! माझ्यासारख्या कार्यकर्त्यांना वाटलं की, हा ड्रायव्हर अपघात करेल. दोन वर्षामध्ये वळणाचे रस्ते आले, टेकडी आली, पहाड आले; पण आमची तीन लोकांची गाडी सुस्साट पळत आहे’, असे म्हणत पाटील यांनी भाजपाला टोला लगावला.
भारतीय जनता पार्टीला आग होऊ लागली आहे. ५० हजारांचा भ्रष्टाचार असला, तरी ईडी. जसे पोलीस आहेत, तशी आता ईडी आहे. गुलाबराव पाटील जास्त बोलतो, लावा ईडी. आता चौफेर ईडी चालू झाली आहे. पोलिसांचा वापर. केंद्र सरकारचा वापर. उद्या म्हणतील जास्त बोलतोय याला जेलमध्ये टाका. आम्हाला जेल काय नवीन आहे का?’, असेही पाटील म्हणाले.
महत्वाच्या बातम्या
- ‘महाविकास आघाडीत शिवसेनेसारखा हिंदुत्वाचा पाठीराखा पक्ष सामील झाल्याने भाजपचा बुरखाच फाटला’
- खरकटं उष्ट खाणाऱ्या, निर्लज्ज लोकांचा देश म्हणजे हिंदुस्थान; संभाजी भिडेंचं पुन्हा एकदा वादग्रस्त वक्तव्य
- मुख्यमंत्री पातळीवर रात्रीतून मोठ्या हालचाली, शिवसेनेच्या दसरा मेळाव्यातील अडथळे केले दूर
- किरीट सोमय्यांनी घेतली करमुसेंची भेट, आव्हाडांच्या अडचणी आणखी वाढण्याची शक्यता
- महाविकासआघाडी सरकारने शेतकऱ्यांच्या तोंडाला पानं पुसली – स्वाभिमानी
