पुणे : ओबीसी आरक्षणासंदर्भात इम्पेरिकल डेटावरून मोदी सरकार आणि महाविकास आघाडी सरकार यांच्यातील लढाई आणखी तीव्र होण्याची शक्यता आहे. सर्वोच्च न्यायालयाचील प्रतिज्ञापत्रात केंद्र सरकारची डेटा देण्यासंदर्भातली तयारी दिसत नसल्याचे आज स्पष्ट झाले आहे. प्रशासकीय कारणे आणि त्रुटींचा हवाला देत इम्पॅरिकल डेटा देण्यास केंद्र सरकारने नकार दिला आहे. केंद्राच्या या प्रतिज्ञापत्रावर रिजाँईंडर दाखल करण्यासाठी राज्य सरकारने चार आठवड्यांचा वेळ मागितला आहे. चार आठवड्यानंतर या प्रकरणावर पुढची सुनावणी होणार आहे.
याच पार्श्वभूमीवर प्रा.हरी नरके यांनी मोदी सरकारवर ‘मोदी सरकारचे ओबीसींवरचं प्रेम बेगडी’ असल्याचा आरोप केला आहे. यासंदर्भात अधिक बोलत नरके म्हणाले की,’आज सर्वोच्च न्यायालयात ओबीसी आरक्षण इम्पेरिकल डेटासंदर्भात सुनावणी झाली. २०११ चा डेटा राज्य सरकारने केंद्राला मागितला होता. परंतु केंद्राने शपथपत्राद्वारे तो देण्यास नकार दिला आहे. राज्य सरकारने जी याचिका दाखल केलेली होती त्या संदर्भात केंद्राने म्हणणे सादर करायला एक महिन्याचा वेळ घेतला. प्रतित्रापत्र दाखल करायला एक दोन तीन दिवसाचा वेळ त्याला एक महिना लावला’ असे नरके म्हणाले.
तसेच आता केंद्र सरकार सांगतंय जातनिहाय जनगणनेत चुका आहेत, असे केंद्र सरकार सांगतंय.मात्र जी चूक सुधारण्यासाठी पानगरीया यांची समिती नेमली होती त्याची एकही बैठक झाली नाही आणि घेतली नाही. केंद्र सरकार डेटा का देत नाही ? मोदी सरकारचे ओबीसींवरचं प्रेम बेगडी आहे,असे म्हणत केंद्र सरकारच्या निर्णयावर नरके यांनी टीका केली आहे.
दरम्यान, राज्य सरकारचा अध्यादेशाद्वारे ओबीसी आरक्षण काही प्रमाणात देण्याचा प्रयत्न आहे. अध्यादेश सुधारित करुन राज्यपालांकडे पाठवला आहे. राज्यपाल त्यावर राज्यपाल निर्णय घेतील ही अपेक्षा असल्याचे राज्याचे मदत आणि पुनर्वसन मंत्री विजय वडेट्टीवार म्हणाले आहेत.
महत्त्वाच्या बातम्या
- महंत नरेंद्र गिरींच्या पोस्टमॉर्टम रिपोर्टमधून समोर आलं मृत्यूचं खरं कारण
- पुरावे असतील तर खुशाल तक्रार करा; अजित पवारांचं दरेकरांना सडेतोड उत्तर
- मोदी सरकार अडचणीत! पेगासस प्रकरणाची चौकशी करण्यासाठी सुप्रीम कोर्टाचा मोठा निर्णय
- ‘आतापर्यंत नाहक राज्य सरकारला बदनाम केले, पण वस्तुस्थिती समोर’, अजितदादांचा केंद्रावर निशाणा
- ओबीसी आरक्षण; महाराष्ट्राला इम्पेरिकल डेटा देण्यास मोदी सरकारचा नकार, सुप्रीम कोर्टात सुनावणी
