जळगाव: मुंबई येथे रेल्वेत मराठी मुलांची भरती करण्यात यावी यासाठी २००८ साली मनसेने आंदोलन केले होते. त्याचे पडसाद जळगावात उमटले होते. याप्रकरणीच २१ ऑक्टोबर २००८ रोजी राज ठाकरेंसह पाच जणांविरुद्ध जळगाव शहर पोलीस स्टेशनमध्ये गुन्हा नोंदवण्यात आला होता. दरम्यान त्यावेळी पंधरा हजारांचा जामीन मंजूर करून या खटल्यात गैरहजर राहण्याची परवानगी न्यायालयाने राज ठाकरे यांना दिली होती. आज या खटल्याचा निकाल लागला असून, जळगाव न्यायालयाने मनसे अध्यक्ष राज ठाकरे (Innocent release of MNS president Raj Thackeray) यांच्यासह तत्कालीन प्रदेश सरचिटणीस अॅड.प्रकाश बाविस्कर,(Adv. Prakash Baviskar) जिल्हाध्यक्ष अॅड. जमील देशपांडे, ( Adv. Jamil Deshpande) पदाधिकारी रज्जाक सय्यज, ( Razzak Sayyaj) प्रेमानंद जाधव (remanand Jadhav)यांची निर्दोष मुक्तता केली आहे.
दरम्यान २००८ साली रेल्वे भरतीसाठी झालेल्या आंदोलनानंतर(MNS agitation for recruitment of Marathi children in the railways in Mumbai in 2008) याच दिवशी जळगावात मनसेचे तत्कालीन प्रदेश सरचिटणीस जयप्रकाश बाविस्कर यांच्या नेत्वृत्वात अॅड.जमील देशपांडे, प्रेमानंद जाधव, रज्जाक यासीन यांनी गोलाणी मार्केट या भागात डिजीटल बॅनरवर ‘फाशी द्या लालूला आधी जोडे मारा साल्याला’ असे लिहून घोषणाबाजी केली होती. त्यावेळी पोलसांना बघून कार्यकर्त्यांनी पळ ठोकला, मात्र यामध्ये वाहनांचे प्रचंड नुकसान झाले होते. याविरोधातच शहर पोलिस ठाण्याचे पोलिस कॉन्टेबल श्यामकान्त पाटील यांनी राज ठाकरेंसह इतर कार्यकर्त्यांवर २१ ऑक्टोबर २००८ साली गुन्हा नोंदवला होता.
दरम्यान या खटल्याचे कामकाज प्रथम वर्ग न्यायदंडाधिकारी व्ही. सी. जोशी यांच्यासमोर २५ ऑक्टोबर २०२१ पासून सुरू झाले. काल (११ फेब्रुवारी) या घटनेचा निकाल लागला असून न्यायालयासमोर आलेला पुरावा पाहता व खटल्यातील आरोपी पक्षाकडून केलेला युक्तीवाद लक्षात घेऊन न्यायालयाने मनसे अध्यक्ष राज ठाकरे, माजी आमदार जयप्रकाश बाविस्कर, अॅड जमील देशंपाडे, प्रेमानंद जाधव आणि यासीन रज्जाक यांची निर्दोष मुक्तता केली.
महत्वाच्या बातम्या:
- आगामी गोवा विधानसभा निवडणुकीसाठी राष्ट्रवादी काँग्रेस पक्षाचा जाहीरनामा प्रसिद्ध
- ” शिवाजी पार्कात” अंत्यसंस्कार आणि स्मृतीस्थळाबाबत मुंबई उच्च न्यायालयात याचिका
- रेल्वेने प्रवास करणाऱ्यांसाठी महत्वाची बातमी; रेल्वेची ही सेवा पुन्हा सुरु होणार !
- आगामी पुणे जिल्हा परिषदेच्या निवडणुकीत ‘या’ पाच आमदार पुत्रांची एंट्री !
- पुणे उपनगरात रिक्षा चालकांनी पुकारला अचानक बंद, प्रवाश्यांचे हाल
