🕒 1 min read
औरंगाबाद : कोरोनामुळे पॉझिटिव्ह आलेल्यांसाठी औरंगाबाद मनपाने कोविड केअर सेंटर्स सुरु केले आहेत. आज ईद, अक्षय्य तृतीया सण असल्याने रुग्णांना घरच्या जेवणाची आठवण येऊ नये यासाठी अन्नामृत फाऊंडेशनने पुढाकार घेतला. यावेळी रुग्णांनी घरी नसूनही घरच्यासारखा सण साजरा करता आला याचा आनंद व्यक्त केला. अगदी घरच्यासारखा सुमधुर आमरस, मुगवडा भाजी, शेवया मिळाल्याने सणाचा आनंद द्विगुणित झाल्याचे त्यांनी सांगितले. आमरस बनविण्याच्या प्रक्रियेत आ. अंबादास दानवे, आ. अतुल सावे यांचा विशेष सहभाग होता.
आज नियोजनाप्रमाणे एमआयटी कोविड केअर सेंटर, सिपेट कोविड केअर सेंटर येथील रुग्ण डॉक्टर, सपोर्ट स्टाफ, मनपा वाॅर रूम, घाटी, शासकीय कॅन्सर रुग्णालय येथील रुग्णांचे नातेवाईक, लसीकरण जागृती मोहिमेतील मेडिकल विद्यार्थी, मेघालय मुलींचे वसतिगृह येथील विद्यार्थीनी, एन४ येथील कामगार नाक्यावरील कामगार.. आणि इतर ठिकाणचे कोविड रुग्ण तथा त्यांचे नातेवाईक असे मिळून १७०० जणांपर्यंत अक्षय तृतीया व ईद विशेष मेजवानी पोहचवण्यात आली.
लाभार्थ्यांचे आरोग्य अक्षय राहावे या भावनेने, अतिशय स्वच्छ पोषक व पारंपारिक मेजवानी नक्कीच सर्वांना एक सकारात्मक ऊर्जा देऊन जाईल असे अंबादास दानवे यांनी नमूद केले. तर अविरत अन्न सेवेचे एक वर्ष व दहा लाख लाभार्थ्यांपर्यंत जनसेवा पोहचवणे हे अभिनंदनीय आहे असे उद्गार आ. अतुल सावे यांनी काढले. आमरस बनविण्याच्या प्रक्रियेत अन्नामृत फाउंडेशनच्या पूर्णवेळ टीम सोबत तीस स्वयंसेवक व विशेष सहभाग आमदार अंबादास दानवे, आ. अतुल सावे, मनपा उपायुक्त अपर्णा थेटे, जनसंपर्क प्रमुख संजीव सोनार यांचा सहभाग होता.
महत्त्वाच्या बातम्या
- …अन्यथा फडणवीस यांच्या नेतृत्वाखाली शिष्टमंडळ घेऊन केंद्रात जाणार; मेटेंचा इशारा
- गुणरत्न सदवार्तेंचा तोल घसरला, मराठा समजाला म्हणाले माजुरे…
- हात-पाय बांधून तलवार दिली तर लढणार कसे? ; अशोक चव्हाणांचा सवाल
- औरंगाबाद सावरतेय! एका महिन्यात घटले तब्बल ‘एवढे’ रुग्ण!
- ‘ट्रेंड कायम !’ पुण्यात आजही कोरोनाबाधितांपेक्षा कोरोनामुक्तांचा आकडा अधिक – महापौर
