मुंबई : सुशांत सिंह राजपूत प्रकरणी अभिनेत्री कंगना रणौतने मुंबई पोलिसांसह शिवसेना नेते संजय राऊत आणि शिवसेनेवर टीकेची झोड उठवली होती. यानंतर, राजकीय वातावरण चांगलेच तापलेल पाहायला मिळालं. काहींनी कंगनाचे समर्थन केले तर काहींनी पोस्टरला जोडे मारून निषेध व्यक्त केला.
कंगना उद्या म्हणजेच ९ सप्टेंबरला मुंबईमध्ये दाखल होत असून गृहमंत्रालयाने तिला ‘वाय+’ सुरक्षा देखील देऊ केली आहे. दरम्यान, मुंबई महापालिकेने कंगनाच्या मणिकर्णिका फिल्म्स या मुंबईतील कार्यालयाबाहेर नोटीस लावली आहे. कंगनाने त्याठिकाणचे काम त्वरित बंद करावे अशी नोटीस याठिकाणी लावण्यात आली आहे. परिसरात बेकायदेशीर बांधकाम झाल्याचा आरोप मुंबई महापालिकेने केला आहे.
अभिनेत्री कंगना राणावतवर विधानपरिषदेत हक्कभंग प्रस्ताव आणला गेला. यासंदर्भात काँग्रेसचे आमदार भाई जगताप यांनी कंगनाविरोधात हक्कभंग मांडला. कंगना ड्रग्स घेत असल्याचे अभिनेता शेखर सुमन यांचा मुलगा अध्ययन सुमन याने एका मुलाखतीत सांगितले होते . त्यामुळे कंगना ड्रग्ज घेत असल्याचा आरोप होत आहे. याबाबत शिवसेना आमदार प्रताप सरनाईक आणि सुनील प्रभू यांनी तक्रार दाखल होती. याची चौकशी मुंबई पोलिसांमार्फत केली जाणार आहे, असे राज्याचे गृहमंत्री अनिल देशमुख म्हणाले.
महत्वाच्या बातम्या:-
ठाकरे सरकारच्या ‘या’ निर्णयाचं पंकजा मुंडेंनी केलं तोंडभरून कौतुक
‘अजितदादांचा पायगुण काय होता हे महाराष्ट्राने पाहिलं’, प्रवीण दरेकरांचा टोला
‘दाऊदने नाही तर नाही पण किमान अब्दुल खाटकाला तरी थोरातांना फोन करायला सांगा’
बातम्यांसाठी YouTube चॅनेल Subscribe करा
Subscribe Now
