पुण्यातील जम्बो कोविड सेंटर अखेर सुरु!

🕒 1 min read

पुणे : गेले ५ महिने कोरोनाने संपूर्ण जगासह भारतात थैमान घातले आहे. राज्यात कोरोनाने शिरकाव केल्यापासून मुंबई, पुण्यासह राज्यातील अनेक जिल्ह्यात कोरोनाचा वाढता प्रादुर्भाव बघायला मिळत आहे. गेल्या महिन्यात, आशिया खंडातील सर्वात मोठी झोपडपट्टी असलेल्या धारावीसह मुंबईमध्ये कोरोना आटोक्यात आल्याचा दावा मुंबई महानगरपालिका व राज्य शासनाने केला होता.

कोरोना रुग्णांबाबत सुरुवातीला मुंबईपाठोपाठ असलेल्या पुणे शहरात मात्र दिवसेंदिवस कोरोना बाधितांचा आकडा हा वाढतच असून अनेक ठिकाणी रुग्णांना व्हेंटिलेटर्स तसेच बेड उपलब्ध होत नव्हते. त्यामुळेच, पुढील परिस्थितीची गंभीरता लक्षात घेता मुख्यमंत्री उद्धव ठाकरे यांनी देखील पुण्याचा दौरा करून उपाययोजनांचा आढावा घेतला होता. यानंतर, पुणे महानगरपालिका व राज्य सरकारतर्फे पुण्यात जम्बो कोविड सेंटर्सच्या उभारणीला सुरुवात झाली होती.

‘शरद पवार साहेबांनी मराठा समाजाला आरक्षण टिकवण्याबाबत शब्द द्यावा’

#COEP मैदानात सुरु केलेल्या जम्बो कोविड सेंटरमध्ये प्रत्यक्ष उपचार सुरु झाले आहेत. या सेंटरमुळे पुणे शहरातील ऑक्सिजन आणि व्हेंटिलेटर बेड्सचा प्रश्न मोठ्या प्रमाणावर मार्गी लागला आहे. pic.twitter.com/SFjKfP35YM

— Murlidhar Mohol (@mohol_murlidhar) August 26, 2020

आता, COEP कॉलेज येथील हे सेंटर रुग्णांच्या प्रत्यक्ष उपचारांसाठी खुले करण्यात आल्याचे महापौर मुरलीधर मोहोळ यांनी ट्विटद्वारे सांगितले आहे. त्यामुळे रुग्णांना काहीसा दिलासा मिळाला असून या सेंटरची अद्ययावत उपलब्धतेची माहिती महानगरपालिकेच्या डॅशबोर्डवर देखील दर्शविण्यात येत आहे. एकूण ८०० बेडची व्यवस्था या सेंटर मध्ये करण्यात आली असून ६०० आयसोलेशन बेड्स ऑक्सिजन व्यवस्थेसह, १७० आयसीयू बेड्स विना व्हेंटिलेटर व ३० आयसीयू बेड्स व्हेंटिलेटर व्यवस्थेसह उपलब्ध करण्यात आले आहेत.

मराठा आरक्षण : आरक्षणाचा मुद्दा मोठ्या खंडपीठाकडे जाणार? सुप्रीम कोर्टात महत्वाची सुनावणी

पुणे कोरोना अपडेट : मंगळवार, २५ ऑगस्ट,२०२०

शहरात नव्याने १,२०४ कोरोनाबाधित रुग्णांची नोंद झाली असून एकूण संख्या ८५,७०० झाली आहे. तर १,१२३ रुग्ण कोरोनामुक्त झाले असून सध्या १४,७२३ रुग्णांवर उपचार सुरू आहेत. शहरातील एकूण तपासणी आता ४,१४,२९४ झाली असून आज ६,३७० टेस्ट घेण्यात आल्या. pic.twitter.com/bGITeBTDg7

— Murlidhar Mohol (@mohol_murlidhar) August 25, 2020

दरम्यान, “पुणे शहरात काल नव्याने १,२०४ कोरोनाबाधित रुग्णांची नोंद झाली असून एकूण संख्या ८५,७०० झाली आहे. तर १,१२३ रुग्ण कोरोनामुक्त झाले असून सध्या १४,७२३ रुग्णांवर उपचार सुरू आहेत. शहरातील एकूण तपासणी आता ४,१४,२९४ झाली असून काल ६,३७० टेस्ट घेण्यात आल्या” असल्याची माहिती महापौर मुरलीधर मोहोळ यांनी दिली आहे.

दिलासादायक: राज्यात कोरोनामुक्तांचा आकडा ५ लाखांपार