Jitendra Awhad | नागपूर : महाराष्ट्र-कर्नाटक सीमावादावरून सध्या राज्यातील राजकारण तापलेलं आहे. संयुक्त महाराष्ट्र चळवळीनंतर महाराष्ट्र राज्य अस्तित्वात आलं. या घटनेला आता सात दशकांहून जास्त काळ उलटला. मात्र, कर्नाटकसोबत असलेला सीमाप्रश्न अजूनही सुटलेला नाही.
सीमाभागातील अनेक गावांना महाराष्ट्रात सामील होण्याची इच्छा असल्याचा दावा सातत्याने महाराष्ट्राकडून केला जात आहे. बेळगावमध्ये यावरून मोठा संघर्ष पाहायला मिळाला आहे. या पार्श्वभूमीवर राष्ट्रवादी काँग्रेसचे आमदार जितेंद्र आव्हाड (Jitendra Awhad) यांनी कर्नाटकचे मुख्यमंत्री बसवराज बोम्मई यांच्यावर जोरदार निशाणा साधला.
केंद्रीय गृहमंत्री अमित शाह यांच्याबरोबर दोन्ही राज्यातील मुख्यमंत्र्यांच्या झालेल्या बैठकीमध्ये बसवराज बोम्मई यांनी आपले ट्विटर हँडल हॅक झाले होते असे सांगितले होते. त्यावर आमदार जितेंद्र आव्हाड यांच्यावर टीका करत राज्यातील सत्ताधाऱ्यांना देखील सुनावलं आहे. ‘बोम्मई हा खोटारडा माणूस असून ट्विट केल्यानंतरही जर ही गोष्ट त्यांना 15 दिवसांनी माहिती होत असेल तर मोठी आणि गंभीर गोष्ट आहे’, असं जितेंद्र आव्हाड (Jitendra Awhad) म्हणाले.
पुढे ते म्हणाले, “त्यांचे कपडे सांभाळायला आमचे मंत्री जात आहेत मात्र त्यांचे कपड सांभाळताना तुमचे कपडे उतरत आहेत.” कर्नाटकचे मुख्यमंत्री बसवराज बोम्मई यांच्या ट्विटमुळे आमच्या राज्यातील माणसांची वाहनं फुटली, मराठी माणसांनी मार खाल्ला, त्यांचा अपमान झाला तरीही आम्ही शांत राहिलो आणि हा बोम्मई दिल्लीत येऊन खोटं सांगतो की, मी ट्विट केलं नाही. हा निव्वळ खोटारडे पणा असल्याची टीकाही त्यांनी यावेळी केली.
महत्वाच्या बातम्या :
- Nana Patole | “पत्रकारावर गुन्हे दाखल केले मग चंद्रकांत पाटील यांच्यावर का नाही?”; नाना पटोलेंचा खोचक सवाल
- Winter Session 2022 | बाप्पू आणि पप्पू यांनी अधिवेशनामध्ये गोंधळ घालू नये ; रवी राणा यांची ठाकरे पिता-पुत्रावर टीका
- Amol Mitkari | “ज्यांच्या डोक्यात शेण भरलं आहे, त्या व्यक्तीला…”; पडळकरांच्या ‘त्या’ वक्तव्यावर अमोल मिटकरींचा पलटवार
- Sachin Sawant | “भाजपाच्या दृष्टीने सध्याचे मुख्यमंत्री क्रिकेटमधील नाईट वॉचमन आहेत”; सचिन सावंत असं का म्हणाले?
- Winter Session 2022 | बाबा आत्राम यांच्या सुरक्षेत कुठलीही कमतरता राहणार नाही ; एकनाथ शिंदेंची ग्वाही
