टीम महाराष्ट्र देशा : गेल्या महिनाभर देशामध्ये धुमाकूळ घेतलेल्या लोकसभा निवडणुकीचा निकाल आज जाहीर होत आहे. आतापर्यंत आलेल्या निकालानुसार देशात आणि राज्यात भाजप आणि मित्रपक्ष हे आघाडीवर आहेत. तसेच राज्यात कॉंग्रेस आणि राष्ट्रवादीच्या उमेदवारांचा लाजीरवाणा पराभव होताना दिसत आहे. तर मावळ लोकसभा मतदारसंघातून पार्थ पवार यांच्या पराभवामुळे शेकापचे जयंत पाटील यांचे संतुलन बिघडले आहे. त्यांनी चक्क लोकसत्ताचे प्रतिनिधी हर्षद कशाळकर यांच्या कानशिलात लगावली आहे.
रायगड लोकसभा मतदारसंघाच्या प्रेसरुमध्ये हा प्रकार घडला. निवडणूक केंद्रात पत्रकाराला मारहाण झाल्यानं एकच खळबळ उडाली आहे. लोकसत्तामध्ये हर्षद कशाळकर यांनी गेल्या काही दिवसांमध्ये ज्या बातम्या लिहिल्या होत्या, त्यातील काही बातम्यांचा राग मनात ठेऊन त्यांनी हा प्रकार केल्याचं कळतंय.
