मुंबई : मुंबईच्या मध्यवर्ती भागात वसलेल्या वरळी येथील बीडीडी चाळ पुनर्विकास प्रकल्पातील पुनर्वसन इमारतींच्या बांधकामाचा शुभारंभ मुख्यमंत्री उद्धव ठाकरे यांच्या हस्ते करण्यात आला. राष्ट्रवादी काँग्रेसचे सर्वेसर्वा तथा खासदार शरद पवार आणि गृहनिर्माण मंत्री जितेंद्र आव्हाड यांच्या प्रमुख उपस्थितीत हा शुभारंभ झाला.
यावेळी मुख्यमंत्री उद्धव ठाकरे यांनी विरोधकांना सणसणीत इशारा दिला आहे. भाजप आमदार प्रसाद लाड यांनी शनिवारी शिवसेना भवन फोडण्याची धमकी दिली होती. तर केंद्रीय मंत्री नारायण राणे व भाजपच्या इतर नेत्यांकडूनही शिवसेना व मुख्यमंत्र्यांवर सातत्याने टीका केली जात आहे. या पार्श्वभूमीवर मुख्यमंत्री ठाकरे आज चांगलेच भडकले. थप्पड से डर नहीं लगता, असे म्हणत त्यांनी या कार्यक्रमात विरोधकांनाही इशारा दिला.
यावर आता भाजपने प्रतिउत्तर दिलेले आहे. भाजपचे नेते व विधानपरिषदेचे विरोधी पक्षनेते प्रवीण दरेकर यांनी मुख्यमंत्री उद्धव ठाकरेंना खडेबोल सुनावले आहेत. ‘थापड झापडची भाषा मुख्यमंत्र्यांनी करणे हे महाराष्ट्राचे दुर्दैव आहे. विरोधकांनी टीका केली असली तरी राज्याचे मुख्यमंत्री म्हणून त्यांनी अशी भाषा वापरणे योग्य नाही. ते जरी एखाद्या पक्षाचे प्रमुख असले तरी ते आता राज्याचे मुख्यमंत्री आहेत. त्यामुळे त्याने अशी टीका करणे संयुक्तिक नाही.’ असे मत त्यांनी यावेळी मांडले आहे.
महत्त्वाच्या बातम्या
- ‘साडेतीनशे वर्षांपूर्वी गाथेत लिहिलेले आता २०२१ मध्ये खरे होत आहे’
- नुकसानग्रस्तांसाठी फडणवीसांचे मुख्यमंत्री ठाकरेंना पत्र, केल्या तब्बल २६ मागण्या
- ‘भविष्यात मोदी कृपेने स्वतःच्या पैशाकडे पाहण्यासाठीही पैसे लागू नयेत म्हणजे मिळवलं!’
- ‘पकडापकडीचा खेळ खेळणारे मोदी सरकारला आव्हान देताहेत’, भाजपचा शरद पवारांना टोला
- मुख्यमंत्र्यांच्या विरोधात सोशल मीडियावर पोस्ट, बीडचा फैसल खान अटकेत
