मुंबई : आयपीएल २०२२ (IPL 2022) मध्ये आज संध्याकाळी सनरायझर्स हैदराबाद आणि रॉयल चॅलेंजर्स बंगळुरू (RCB vs SRH) यांच्यात सामना होणार आहे. दोन्ही संघांमधला हा सामना मुंबईच्या ब्रेबॉर्न स्टेडियमवर संध्याकाळी साडेसातपासून खेळवला जाईल. आयपीएलच्या १५व्या मोसमात, आरसीबी ७ सामन्यांतून ५ विजयांसह गुणतालिकेत तिसऱ्या स्थानावर आहे, तर सनरायझर्स हैदराबाद ६ सामन्यांतून ४ विजयांसह पाचव्या स्थानावर आहे.
आरसीबी संघाला हा सामना जिंकून गुणतालिकेत अव्वल दोनमध्ये पोहोचायचे आहे. दुसरीकडे, सनरायझर्स हैदराबाद संघालाही आपली सातत्यपूर्ण विजयाची घोडदौड कायम ठेवायची आहे. हैदराबादने मागील चारही सामने जिंकले आहेत आणि अशा परिस्थितीत आरसीबीचे आव्हान सोपे म्हणता येणार नाही.
What’s your verdict on who should be a part of our Playing XI tonight, 12th Man Army? ????
Let us know in the comments.????????#PlayBold #WeAreChallengers #IPL2022 #Mission2022 #RCB #ನಮ್ಮRCB #RCBvSRH pic.twitter.com/RHfApAWp4h
— Royal Challengers Bengaluru (@RCBTweets) April 23, 2022
सनरायझर्स हैदराबाद आणि रॉयल चॅलेंजर्स बंगळुरू यांच्यातील सामन्यांमध्ये आतापर्यंत सनरायझर्सने ११ सामने जिंकले असून आरसीबीने ८ सामने जिंकले आहेत. सध्याच्या खेळाडूंमध्ये हैदराबादचा कर्णधार केन विल्यमसनने बंगळुरूविरुद्धच्या ८ सामन्यात ३५१ धावा केल्या आहेत. विराट कोहलीने संघासाठी हैदराबादविरुद्धच्या १८ सामन्यात ५६९ धावा केल्या आहेत. त्याने या संघाविरुद्ध सर्वाधिक नाबाद ९३ धावा करत चार अर्धशतके झळकावली आहेत.
अनुभवी गोलंदाज भुवनेश्वर कुमारने सनरायझर्स हैदराबादकडून रॉयल चॅलेंजर्स बंगळुरूविरुद्ध सर्वाधिक १६ विकेट घेतल्या आहेत. आरसीबीच्या हर्षल पटेलने सनरायझर्स हैदराबादविरुद्धच्या ८ सामन्यात ७ विकेट घेतल्या आहेत.
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
