मुंबई : यंदाच्या आयपीएल सीजन मध्ये पंजाब किंग्जला ओडियन स्मिथच्या रूपाने एक स्फोटक फलंदाज मिळाला आहे. त्याने आतापर्यंत खेळलेल्या दोन्ही सामन्यात अप्रतिम कामगिरी केली. रॉयल चॅलेंजर्स बंगळुरूविरुद्धच्या रोमहर्षक सामन्यात त्याला सामनावीराचा पुरस्कार देण्यात आला. त्याने आरसीबीविरुद्ध ८ चेंडूत २५ धावा केल्या होत्या. विशेष म्हणजे हा ओडियन स्मिथचा पहिलाच आयपीएल हंगाम आहे. त्याने पदार्पणाच्या सामन्यात ज्या प्रकारे विध्वंसक खेळी खेळली, त्यामुळे त्याचे खूप कौतुक झाले. मात्र वेस्ट इंडिजचा हा हार्ड हिटिंग खेळाडू हिटमॅन रोहित शर्माचा मोठा चाहता आहे.
ओडियन स्मिथने (odean smith) खुलासा केला आहे की तो टीम इंडिया आणि मुंबई इंडियन्सचा (MI) कर्णधार रोहित शर्माचा (rohit sharma) मोठा फॅन आहे. तसेच तो हिटमॅनला भेटायला उत्सुक आहे. रोहितला पसंती देण्याचे कारण स्पष्ट करताना, वेस्ट इंडिजचा अष्टपैलू खेळाडू म्हणाला की त्याला हिटमॅनचा आक्रमक फलंदाजीचा स्वभाव आत्मसात करायला आवडेल. तो म्हणाला, ” मला रोहित शर्मा खूप आवडतो. तो अप्रतिम फलंदाजी करणाऱ्या खेळाडूंपैकी एक आहे. त्याचा स्वभाव खूप आक्रमक आहे, मला माझ्या खेळातही अशी आक्रमकता आणायची आहे, मला त्याला बघायला आवडते.”
ओडियन स्मिथ पुढे म्हणाला की, रोहितशी माझे अद्याप बोलणे झालेले नाही, पण आशा आहे की मी लवकरच त्याच्याशी बोलेन.” पंजाब किंग्ज (PBKS) आणि मुंबई इंडियन्सचा अजूनही आयपीएल मध्ये सामना झालेला नाहीये. १३ एप्रिल रोजी हे दोन्ही संघ एकमेकांना भिडणार आहे. त्यावेळी ओडीयन स्मिथ रोहित शर्माला भेटू शकतो. तेव्हा दोन्ही हार्ड हीटिंग खेळाडू एकमेकांच्या समोर असतील.
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
महत्वाच्या बातम्या
- IPL 2022 : धोनी म्हणजे वीजच…! पंजाबच्या फलंदाजाला ‘महाप्रचंड’ वेगानं केलं रनआऊट; पाहा VIDEO!
- IPL 2022 दरम्यान रोहित शर्माचा धक्कादायक खुलासा..! म्हणाला, “….तेव्हा मी एक महिना डिप्रेशनमध्ये होतो”
- IPL 2022 CSK vs PBKS : चेन्नईनं जिंकला टॉस; ‘अशी’ आहे दोन्ही संघांची Playing XI
- IPL 2022: GT vs DC सामन्यात प्रेमवीरांचा स्टॅण्डमध्ये खुल्लम खुल्ला प्यार!
- “ईडी भाजपची घरगडी आहे का”? – चंद्रकांत पाटलांना नाना पटोलेंचं प्रत्युत्तर
