IPL 2022 : आयपीएलची मागची बाजू काळी? ख्रिस गेलचा गौप्यस्फोट! म्हणाला, “…म्हणून मी सोडलं”

🕒 1 min read

मुंबई : युनिव्हर्स बॉस म्हणून प्रसिद्ध असलेला ख्रिस गेल आयपीएल २०२२ (IPL 2022) मध्ये कोणत्याही संघाचा भाग नाही. इंडियन प्रीमियर लीगमधील सर्वात आश्वासक फलंदाजांपैकी एक असलेल्या गेलने यंदाच्या लिलावातही नाव नोंदवले नाही. गेल्या वर्षी तो पंजाब किंग्जचा भाग होता. आरसीबीपासून वेगळे झाल्यानंतर त्याने काही वर्षे आयपीएलमध्ये पंजाबचे प्रतिनिधित्व केले. ख्रिस गेलने आयपीएलच्या १५व्या मोसमात न खेळण्याचे कारण उघड केले आहे. गेल्या काही वर्षांपासून आयपीएलमध्ये त्याला चांगली वागणूक मिळत नसल्याचे गेलचे म्हणणे आहे. गेल आयपीएलमध्ये कोलकाता नाईट रायडर्स, रॉयल चॅलेंजर्स बंगळुरू आणि पंजाब किंग्जकडून खेळला आहे.

‘द मिरर’शी बोलताना ख्रिस गेल म्हणाला, “ज्या प्रकारे आयपीएल अनेक वर्षांमध्ये घडले, मला वाटले की मला योग्य वागणूक दिली गेली नाही. मला वाटले ठीक आहे, तुम्हाला योग्य तो सन्मान मिळाला नाही. म्हणून मी ते तसे सोडले. क्रिकेट नंतर जीवन नेहमीच असते. त्यामुळे मी सामान्य होण्याचा प्रयत्न करत आहे.”

Chris Gayle explains why he didn't enter the #IPL2022 auction ???? pic.twitter.com/MGVOk2Dhr2

— ESPNcricinfo (@ESPNcricinfo) May 7, 2022

ख्रिस गेल हा आयपीएलमधील सर्वात यशस्वी खेळाडूंपैकी एक आहे. इंडियन प्रीमियर लीगमध्ये त्याच्या नावावर अनेक विक्रम आहेत. आयपीएल सामन्याच्या एका डावात सर्वाधिक १७५ धावांची नोंद आजही त्याच्या नावावर आहे. याशिवाय, या लीगमध्ये एका डावात सर्वाधिक षटकार मारणारा तो एकमेव खेळाडू आहे. एवढेच नाही तर आयपीएलमध्ये सर्वात जलद शतक करण्याचा विक्रमही त्याच्या नावावर आहे. इंडियन प्रीमियर लीगमध्ये त्याने ३० चेंडूत शतक झळकावले. आयपीएलमध्ये सर्वाधिक धावा करणारा तो सातव्या क्रमांकावर आहे.

गेलने लीगच्या पुढील मोसमासाठी त्याने तयारी सुरू केली आहे. ‘मिरर’शी बोलताना तो म्हणाला, “पुढच्या वर्षी मी परत येत आहे. आयपीएलला माझी गरज आहे. मी आयपीएलमध्ये केकेआर, आरसीबी आणि पंजाबचे प्रतिनिधित्व केले आहे. मला रॉयल चॅलेंजर्स बंगळुरू किंवा पंजाब किंग्ज यापैकी एकासाठी विजेतेपद पटकावायला आवडेल. माझा आरसीबीसोबत चांगला कार्यकाळ होता. पंजाबसाठी मी खूप यशस्वी झालो. मला आव्हाने आवडतात, बघूया काय होते ते.”

महत्त्वाच्या बातम्या –

IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com