मुंबई : भारतीय संघ इंग्लंड विरुद्ध टी-२० मालिकेत २-१ ने बाजी मारल्यानंतर आता एकदिवसीय मालिका खेळणार आहे. आज या दोन्ही संघांमध्ये तीन सामन्यांच्या एकदिवसीय मालिकेतील पहिला सामना खेळला जाणार आहे. सामन्याच्या सुरुवातीला भारताचा कर्णधार रोहित शर्मा याने नाणेफेक जिंकून प्रथम गोलंदाजी करण्याचा निर्णय घेतला आहे. टी-२० मालिकेत भारतीय संघाने उत्तम कामगिरी केली होती. त्याचप्रमाणे एकदिवशीय मालिकेतही भारतीय संघाला चांगल्या कामगिरीची अपेक्षा असणार आहे.
भारतीय संघात अनेक वरिष्ठ खेळाडूंचे आगमनही झाले आहे. सलामीचा डावखुरा फलंदाज शिखर धवन चे बऱ्याच काळानंतर आंतरराष्ट्रीय क्रिकेटमध्ये पुनरागमन झाले आहे. तो आज कर्णधार रोहित सोबत सलामीला फलंदाजी करताना पाहायला मिळेल. तर दुसरीकडे भारताचा वेगवान गोलंदाज मोहम्मद शमीही आज सामन्यात खेळताना दिसणार आहे. त्याचबरोबर इंग्लंडच्या संघातही अनेक खेळाडूंचे आगमन झाले आहे. इंग्लंडचा कसोटी संघ सध्या चांगली कामगिरी करत आहे. त्यामुळे त्यांच्या कसोटी संघाचा कर्णधार बेन स्टोक्स याचेही एकदिवसीय सामन्यात पुनराभवान झालेले आहे. टी-२० मालिकेतील भारतासाठी उत्तम कामगिरी करणाऱ्या सूर्यकुमार यादव ही आजचे सामन्यात खेळताना दिसणार आहे.
???? Toss Update ????#TeamIndia have elected to bowl against England in the first #ENGvIND ODI.
Follow the match ▶️ https://t.co/8E3nGmlNOh pic.twitter.com/8xh9xJdWxs
— BCCI (@BCCI) July 12, 2022
असे आहेत दोन्ही संघ
भारत – रोहित शर्मा (कर्णधार), शिखर धवन, श्रेयस अय्यर, सूर्यकुमार यादव, ऋषभ पंत (यष्टीरक्षक), हार्दिक पांड्या, रवींद्र जडेजा, मोहम्मद शमी, जसप्रीत बुमराह, युजवेंद्र चहल, प्रसिद्ध कृष्णा.
इंग्लंड – जेसन रॉय, जॉनी बेअरस्टो, जो रूट, बेन स्टोक्स, जोस बटलर (कर्णधार), मोईन अली, लियाम लिव्हिंगस्टोन, क्रेग ओव्हरटन, रीसे टॉपली, डेविड व्हिली, ब्रायडन कार्स.
महत्वाच्या बातम्या :
